சென்னை: சென்னை சென்ட்ரல் – அரக்கோணம் மார்க்கத்தில், அரக்கோணம் யார்டில் இன்ஜினியரிங் பணிகள் நடப்பதால், ஆகஸ்ட் 22 மற்றும் 24ம் தேதிகளில் மின்சார ரயில் சேவையில் மாற்றம் செய்யப்பட்டுள்ளது.
ஆகஸ்ட் 22 மற்றும் 24 ஆகிய தேதிகளில் காலை 9.10 மற்றும் 11 மணிக்கு புறப்படும் சென்ட்ரல்-அரக்கோணம் மின்சார ரயில்கள், திருவள்ளூர்-அரக்கோணம் இடையே பகுதியாக ரத்து செய்யப்படுகிறது.
சென்ட்ரல் – திருத்தணியில் இருந்து ஆகஸ்ட் 22 மற்றும் 24 ஆகிய தேதிகளில் காலை 10 மணிக்கு புறப்படும் மின்சார ரயில், திருவள்ளூர் – திருத்தணி இடையே ரத்து செய்யப்படுகிறது. அரக்கோணம் – சென்ட்ரலில் இருந்து ஆகஸ்ட் 22 மற்றும் 24 ஆகிய தேதிகளில் காலை 11.15 மற்றும் மதியம் 12 மணிக்கு புறப்படும் மின்சார ரயில்கள், அரக்கோணம் – திருவள்ளூர் இடையே ரத்து செய்யப்படுகிறது.
திருத்தணி – சென்னை சென்ட்ரலில் இருந்து ஆகஸ்ட் 22 மற்றும் 24 ஆகிய தேதிகளில் மதியம் 12.35 மணிக்கு புறப்பட வேண்டிய மின்சார ரயில், திருத்தணி – திருவள்ளூர் இடையே ரத்து செய்யப்படுகிறது.
வேலூர் கன்டோன்மென்ட் – அரக்கோணம் இடையே ஆகஸ்ட் 22 மற்றும் 24 ஆகிய தேதிகளில் காலை 10 மணிக்கு இயக்கப்படும் மின்சார ரயில், சித்தேரி – அரக்கோணம் மார்க்கத்தில் ரத்து செய்யப்படுகிறது.
சென்னை சென்ட்ரல் – திருப்பதி இடையே ஆகஸ்ட் 22 மற்றும் 24 ஆகிய தேதிகளில் காலை 9.50 மணிக்கு புறப்படும் மின்சார ரயில், சென்னை சென்ட்ரல் – திருத்தணி இடையே ரத்து செய்யப்படுகிறது. இத்தகவல் சென்னை ரயில்வே கோட்ட செய்திக்குறிப்பில் தெரிவிக்கப்பட்டுள்ளது.
