தேனி: தேனி மாவட்டம் ஆண்டிபட்டி அருகே உள்ள மேகமலை அருவியில் கடுமையான வெள்ளப்பெருக்கு ஏற்பட்டுள்ளது. இதன் காரணமாக, சுற்றுலாப் பயணிகள் குளிக்க வனத்துறை தடை விதித்துள்ளது.
நேற்று இரவு முதல், கேரள மாநில எல்லையிலும், மேற்குத் தொடர்ச்சி மலைப் பகுதியில் உள்ள மேகமலைக்கு மேலே உள்ள வனப்பகுதிகளிலும் பலத்த மழை பெய்து வருகிறது. இந்த மழையால் மேகமலை அருவியில் வெள்ளப்பெருக்கு ஏற்பட்டுள்ளது.
ஆண்டிபட்டி அருகே உள்ள கோம்பைத்தொழு வனப்பகுதியில் அமைந்துள்ள மேகமலை அருவியில் தண்ணீர் அபாய அளவைத் தாண்டிச் சென்று கொண்டிருக்கிறது. இதன் காரணமாக, மேகமலை வனத்துறை சுற்றுலாப் பயணிகள் குளிக்கத் தடை விதித்துள்ளது.
அருவியில் நீர்வரத்து சீராகும் வரை இந்தத் தடை தொடரும் என்று மேகமலை வனத்துறை தெரிவித்துள்ளது. இதன் காரணமாக, மேகமலை அருவி பகுதிக்கு சுற்றுலாப் பயணிகள் வர வேண்டாம் என்று வனத்துறை எச்சரித்துள்ளது.
