சென்னை: பாஜக மூத்த தலைவர் ஹெச்.ராஜாவின் கருத்து தற்போது மத்திய அரசின் நிதியுதவி தொடர்பான தவறான தகவலாக மாறியுள்ளது. ரேஷன் கடைகளுக்கான செலவுகளை மாநில அரசு தரவில்லை என்று கூறிய எச்.ராஜா, மத்திய அரசின் மானியம் முழுக்க முழுக்க நிதியுதவி அளித்ததாக கூறினார். இதனால் தமிழகத்தில் ரேஷன் விநியோகம் குறித்த அச்சம் ஏற்பட்டுள்ளதாக கூறப்படுகிறது.
தரம் மற்றும் உண்மை கண்டறியும் குழு வெளியிட்டுள்ள விளக்கத்தில், எச்.ராஜா அளித்த தகவல் தவறானது என குறிப்பிடப்பட்டுள்ளது. பருப்பு மற்றும் பாமாயில் தொடர்பான முழு நிதியையும் வழங்குவதாக மாநில அரசு தெரிவித்துள்ளது. மேலும், மாநில அரசு முன்னுரிமை குடும்ப அட்டைகளுக்கு நிதியும், அரிசி மற்றும் கோதுமை முறையாக விநியோகிக்க நிதியும் வழங்குகிறது.
தமிழக அரசு 36,578 நியாய விலைக் கடைகள் மூலம் 2,23,86,333 குடும்ப அட்டைகளுக்கு அத்தியாவசியப் பொருட்களை விநியோகம் செய்கிறது. இதனிடையே விநியோகிக்கப்பட்ட பொருட்களை சட்டவிரோதமாக விற்பனை செய்து பெரும் லாபம் ஈட்டுவதில் சில நபர்கள் ஈடுபட்டு வருவதாக புகார் எழுந்துள்ளது.
இதன் காரணமாக புதிய திட்டங்களை அறிமுகப்படுத்தவும், ரேஷன் பொருட்கள் வழங்கும் முறையை எளிமைப்படுத்தவும், துறை நிர்வாகத்தில் மாற்றங்களை ஏற்படுத்தவும் தமிழக அரசு முடிவு செய்துள்ளது. இப்போது, ஜிபிஎஸ் உடன் கூடிய இ-ரூட் சிஸ்டம் வரவுள்ளது. இதன் மூலம் பொதுமக்களுக்கு ரேஷன் பொருட்களை விநியோகிக்கும் வாகனங்களை கண்காணிக்க முடியும்.
ரேஷன் கடைகளில் நடக்கும் முறைகேடுகளைத் தடுக்கவும், தெளிவின்றி நிதி வழங்கப்படுவதைச் சரிசெய்யவும் இந்தப் புதிய திட்டங்கள் வடிவமைக்கப்பட்டுள்ளன.
