பொறியியல் டிப்ளமோ படிப்புகளுக்கான சிறப்பு துணைத் தேர்வுக்கு விண்ணப்பித்த மாணவர்களுக்கான ஹால் டிக்கெட் இணையதளத்தில் பதிவேற்றம் செய்யப்பட்டுள்ளதாக தொழில்நுட்பக் கல்வித் துறை அறிவித்துள்ளது.
கடந்த ஏப்ரல் மாதம் நடைபெற்ற பொறியியல் டிப்ளமோ இறுதி செமஸ்டர் தேர்வு மற்றும் துணைத் தேர்வு எழுதி நிலுவையில் உள்ள மாணவர்களுக்கான சிறப்பு துணைத் தேர்வு ஜூன் 30 முதல் ஜூலை 16 வரை நடைபெறும், மேலும் நடைமுறைத் தேர்வு ஜூலை 17 முதல் 25 வரை நடைபெறும்.
இந்தத் தேர்வுக்கு விண்ணப்பித்த மாணவர்களுக்கான ஹால் டிக்கெட் https://dipexamstndte.in என்ற இணையதளத்தில் பதிவேற்றம் செய்யப்பட்டுள்ளது. மாணவர்கள் தங்கள் தேர்வு பதிவு எண் மற்றும் பிறந்த தேதியைக் குறிப்பிட்டு ஹால் டிக்கெட்டை பதிவிறக்கம் செய்யலாம் என்று தொழில்நுட்பக் கல்வி ஆணையர் ஜெ. இன்னசென்ட் திவ்யா தெரிவித்தார்.
சிறப்பு துணைத் தேர்வு முடிவுகள் ஜூலை 30-ம் தேதி வெளியிடப்படும் என்பது குறிப்பிடத்தக்கது.
