திருவாரூர்: திருவாரூர் மாவட்டத்தில் மே தினத்தை முன்னிட்டு மே 1-ம் தேதி டாஸ்மாக் கடைகள் மற்றும் மதுக்கடைகளுக்கு விடுமுறை அறிவிக்கப்படுவதாக கலெக்டர் மோகனச்சந்திரன் அறிவித்துள்ளார். இது குறித்து அவர் வெளியிட்டுள்ள செய்திக்குறிப்பில் கூறியிருப்பதாவது:-
மே தினத்தையொட்டி, திருவாரூர் மாவட்டத்தில் இயங்கும் அனைத்து டாஸ்மாக் மதுக்கடைகள், சார்பான மதுக்கடைகள், எப்.எல்.2, எப்.எல்.3 உரிமம் பெற்ற மதுக்கடைகளுக்கு மே 1-ம் தேதி விடுமுறை என சென்னை மதுவிலக்கு மற்றும் ஆயத்தீர்வை ஆணையர் கடிதத்தில் குறிப்பிட்டுள்ளார். மேற்கூறிய டாஸ்மாக் மதுபான சில்லறை விற்பனை நிலையங்கள், அதனுடன் இணைந்த பார்கள் மற்றும் FL2 மற்றும் FL3 உரிமம் கொண்ட பார்கள் அந்த நாட்களில் மூடப்பட வேண்டும் என்றும், மேற்கூறிய நாளில் மதுபானங்கள் விற்பனை செய்யக்கூடாது என்றும் அவர் கூறினார்.
இதை மீறி டாஸ்மாக் மதுபான விற்பனை நிலையங்களில் மதுபானங்கள் விற்பனை செய்யப்படுவது கண்டறியப்பட்டால், சம்பந்தப்பட்ட டாஸ்மாக் மதுபான விற்பனை நிலைய மேற்பார்வையாளர்கள் மற்றும் விற்பனையாளர்கள் மீது குற்றவியல் நடவடிக்கை எடுக்கப்படும். எப்.எல்.2, எப்.எல்.3 உரிமம் உள்ள பாரில் மதுபானங்கள் விற்பனை செய்வது கண்டறியப்பட்டால், மதுக்கடை உரிமத்தை தற்காலிகமாக ரத்து செய்தல், உரிமத்தை ரத்து செய்தல், உரிமையாளர்கள் மீது குற்றவியல் நடவடிக்கை எடுக்கப்படும் என தெரிவிக்கப்பட்டுள்ளது. இவ்வாறு கலெக்டர் மோகனச்சந்திரன் தெரிவித்துள்ளார்.
