விருதுநகர்: விருதுநகர் புதிய மாவட்ட ஆட்சியர் அலுவலக திறப்பு விழா மற்றும் நலத்திட்ட உதவிகள் வழங்கும் விழாவில் பங்கேற்பதற்காக தமிழக முதல்வர் மு.க.ஸ்டாலின் நேற்று விருதுநகர் வந்தார். பட்டாசு ஆலை மற்றும் அரசு குழந்தைகள் காப்பகத்தை முதல்வர் நேற்று ஆய்வு செய்தார்.
இன்று காலை ரூ.77 கோடியில் கட்டப்பட்டுள்ள மாவட்ட ஆட்சியர் அலுவலக கட்டிடத்தை முதல்வர் திறந்து வைத்தார். புதிய கட்டடத்தில் உள்ள மக்கள் மன்றம், 4-வது தளத்தில் உள்ள மாவட்ட ஆட்சியர் அலுவலகம் மற்றும் அடிப்படை வசதிகளை பார்வையிட்ட முதல்வர், விருதுநகர் மாவட்டத்தின் சிறப்புகள் குறித்த புகைப்படக் கண்காட்சியை தொடங்கி வைத்தார்.
வருவாய்த்துறை அமைச்சர் சாத்தூர் ராமச்சந்திரன், நிதியமைச்சர் தங்கம் தென்னரசு, பொதுப்பணித்துறை அமைச்சர் எ.வ. வேலு, மாவட்ட ஆட்சியர் ஜெயசீலன் உள்ளிட்டோர் பங்கேற்றனர். மதுரை-திருநெல்வேலி நான்கு வழிச்சாலையில் தற்போதுள்ள மாவட்ட ஆட்சியர் அலுவலகம் அருகே 7.67 ஏக்கர் நிலப்பரப்புடன் 2 லட்சம் சதுர அடியில் 7 தளங்கள்.
புதிய மாவட்ட ஆட்சியர் அலுவலகத்தில் 132 இருக்கைகள் கொண்ட மக்கள் குறைதீர்க்கும் கூட்ட அரங்கம், 200 இருக்கைகள் கொண்ட மாநாட்டு அரங்கம், செய்தி மக்கள் தொடர்பு அலுவலகம், மாவட்ட சுகாதார அலுவலகங்கள், தொழில் பாதுகாப்பு மற்றும் சுகாதாரத் துறை அலுவலகம், தேசிய தகவல் மையம், மாவட்ட கருவூலம் உள்ளிட்ட 22 துறைகள் உள்ளன. அவசர உதவி மையம். அலுவலகங்கள், பார்க்கிங் உள்ளிட்ட விரிவான வசதிகள் செய்யப்பட்டுள்ளன.
