கோவை: ஈரோடு மாவட்டம் கவுந்தப்பாடியை சேர்ந்தவர் யுக ஆதித்தன் (32). கொலை வழக்கில் சேலம் அழகாபுரம் போலீஸாரால் கைது செய்யப்பட்ட அவர், ஆயுள் தண்டனை பெற்று, கோவை மத்திய சிறையில் அடைக்கப்பட்டார். கடந்த 7 ஆண்டுகளாக சிறையில் உள்ளார். ஏரோநாட்டிக்கல் இன்ஜினியரிங் பட்டதாரியான இவர், சிறைச்சாலையின் பணிமனையில் பணியாற்றி வருகிறார்.
அதுமட்டுமல்லாமல், கிடைக்கும் உபகரணங்களைக் கொண்டு பயனுள்ள பொருட்களை உருவாக்குவதில் ஆர்வம் காட்டுகிறார். சில மாதங்களுக்கு முன் சூரிய சக்தியால் இயங்கும் சைக்கிளை வடிவமைத்துள்ளார். அதைத் தொடர்ந்து சில நாட்களுக்கு முன்பு சூரிய சக்தியால் இயங்கும் ஆட்டோவை வடிவமைத்தார். இதுகுறித்து, கோவை சரக சிறை டி.ஐ.ஜி., சண்முக படு சுந்தரம், ‘இந்து தமிழ் திசை’ நிருபரிடம் கூறியதாவது:-
கைதி யுக ஆதித்தன், சோலார் ஆட்டோவை உருவாக்கியுள்ளார். சூரிய சக்தியை உருவாக்க ஆட்டோவில் சோலார் பேனல் பொருத்தப்பட்டுள்ளது. ஆட்டோவில் பேட்டரி மற்றும் பிற கட்டமைப்புகள் டிரைவர் இருக்கையின் கீழ் நிறுவப்பட்டுள்ளன. ஒருமுறை சூரிய சக்தியுடன் பேட்டரியை முழுமையாக சார்ஜ் செய்தால், தொடர்ந்து 200 கிலோமீட்டர் ஓட்ட முடியும். ஆட்டோவை 35 கி.மீ வேகத்தில் ஓட்ட முடியும்.
இதில் டிரைவர் உட்பட 8 பேர் அமரலாம். இதில் எல்இடி விளக்குகள், ஹாரன், ஹேண்ட் பிரேக், டேப் ரெக்கார்டர் போன்ற வசதிகள் உள்ளன. சோதனை முறையில் பயன்படுத்தப்படும் ஆட்டோ, நல்ல முறையில் பயன்படுத்தப்பட்டு வருகிறது. இதன் உற்பத்தி செலவு ரூ. 1.25 லட்சம். இதேபோல் மேலும் 2 ஆட்டோக்கள் மற்றும் ஆம்புலன்ஸ் வாகனம் தயாரிக்க திட்டமிடப்பட்டுள்ளது என்றார்.
சிறை அதிகாரிகள் கூறுகையில், “தற்போது, கோவை மத்திய சிறைக்குள், சமையல் அறைகள் உட்பட, இந்த ஆட்டோ பயன்படுத்தப்படுகிறது. சோதனை முடிந்ததும், முதியவர்கள், நடக்க முடியாத உறவினர்கள் உட்பட உறவினர்களை அழைத்துச் செல்ல, இந்த ஆட்டோ பயன்படுத்தப்படும். பார்வையாளர் அறையின் நுழைவு வாயில் என்றனர்.”
