சென்னை: ஒவ்வொரு ஆண்டும், வடகிழக்கு பருவமழை வழக்கமாக ஜனவரி முதல் அல்லது இரண்டாவது வாரத்தில் முடிவடையும். ஆனால் இந்த ஆண்டு ஜனவரி 13-ம் தேதி முதல் பல இடங்களில் கனமழை பெய்து வருகிறது. பொங்கலுக்கு முன் சென்னை மற்றும் புறநகர் பகுதிகளில் கனமழை பெய்து வந்த நிலையில், பொங்கலுக்கு பின் நேற்று முன்தினம் மாலை முதல் லேசான மழை பெய்து வருகிறது. இந்நிலையில் நேற்று அதிகாலை முதல் பலத்த மழை பெய்தது.
இதனால் சாலைகள், பூங்காக்கள் உள்ளிட்ட இடங்களில் மழைநீர் தேங்கியது. காலையிலேயே மழைநீர் எங்கும் வடிந்ததால் பொதுமக்கள் பாதிக்கப்படவில்லை. காலை முதலே நகர் மற்றும் புறநகர் பகுதிகளில் குளிர்ச்சியான இதமான சூழல் நிலவியது. மேலும், நேற்று காலை 8.30 மணி வரை பதிவான மழையின்படி, அதிகபட்சமாக சென்னை புழலில் 6 செ.மீ., நுங்கம்பாக்கம், தரமணி, திருவொற்றியூர், ஆலந்தூர், சென்னை விமான நிலையம், மீனம்பாக்கம், அமைச்சிங்கரை, பூந்தமல்லியில் தலா 5 செ.மீ., மடிப்பாக்கம், பெரம்பூர், மணலியில் தலா 5 செ.மீ., மழை பதிவானது.
மாதவரம் தலா 4 செ.மீ., அடையாறு, மதுரவாயல், எண்ணூர், சோழிங்கநல்லூர், அண்ணாநகர் மேற்கு, ராஜா அண்ணாமலைபுரம், கொளத்தூர், அயப்பாக்கம், உத்தண்டி, அயனாவரம், எம்ஜிஆர் நகர், செம்பரம்பாக்கம், வடபழனி, தண்டையார்பேட்டை, ஐஸ் ஹவுஸ், அண்ணா பல்கலைக்கழகம் ஆகிய இடங்களில் தலா 3 செ.மீ மழை பதிவாகியுள்ளது.
