மாநிலங்களவை எம்பி பதவி மதிமுகவிற்கு ஒதுக்கப்பட வேண்டும் என வைகோ, திமுக தலைமையிடம் 2019 நாடாளுமன்ற தேர்தல் ஒப்பந்தத்தின் அடிப்படையில் கோரிக்கை வைத்துள்ளார். வைகோவின் மாநிலங்களவை பதவிக்காலம் ஜூலை 24 அன்று முடிவடைகிறது.
இந்த காலக்கட்டத்தில் தமிழ்நாட்டில் இருந்து 6 உறுப்பினர்களின் பதவிக்காலம் முடிவடைவதால் புதிய உறுப்பினர்களை தேர்வு செய்யும் தேர்தல் நடைபெற உள்ளது.தேர்தல் ஆணையம் வெளியிட்ட அறிவிப்பில், வேட்புமனுத் தாக்கல் ஜூன் 2 முதல் 9 ஆம் தேதி வரை நடைபெறும்.
போட்டி ஏற்பட்டால் ஜூன் 19 அன்று வாக்குப்பதிவு நடைபெறும் என அறிவிக்கப்பட்டுள்ளது.திமுக கூட்டணிக்கு தற்போதைய எம்எல்ஏ வாக்குகளின் அடிப்படையில் 4 இடங்கள் உறுதி என தெரிகிறது.திமுக மூன்று இடங்களில் போட்டியிட திட்டமிட்டு உள்ளது. வில்சன், எம்.எம்.அப்துல்லா உள்ளிட்டவர்கள் மீண்டும் பதவிக்கு பரிசீலிக்கப்படுகிறார்கள்.
மூன்றாவது இடத்துக்காக கடுமையான போட்டி நிலவுகிறது. மக்கள் நீதி மய்யம் தலைவர் கமல்ஹாசனுக்கு ஒரு சீட் வழங்கும் முன் ஒப்பந்தம் இருந்ததாக தகவல்கள் தெரிவிக்கின்றன.தொமுச தலைவரும் மீண்டும் வாய்ப்பு எதிர்பார்த்துக் கொண்டுள்ளார். அதே நேரத்தில் கொங்கு மண்டலம் அல்லது மூத்த நிர்வாகிகள் யாருக்காவது அந்த இடம் வழங்கப்படும் என கூறப்படுகிறது.
மதிமுகவின் எதிர்பார்ப்பு ஒரு மாநிலங்களவை சீட்டை பெறுவதே. 2019 ஒப்பந்தத்தின் அடிப்படையில் திமுக கூட்டணியில் தொடர்ந்து இருப்பதால் இந்த கோரிக்கை வைக்கப்பட்டுள்ளது.தற்போதைய சூழ்நிலைகள் மற்றும் ஒப்பந்தங்களின் அடிப்படையில் திமுக தலைமை விரைவில் முடிவெடுக்கவுள்ளதாக அரசியல் வட்டாரங்கள் தெரிவித்துள்ளன.இத்தகவல்கள் அனைத்தும் தேர்தல் காலத்தில் அரசியல் சூழ்நிலையை மாற்றக்கூடிய முக்கிய அம்சமாகக் கருதப்படுகிறது.
