திருச்சி: தமிழக சட்டத்துறை அமைச்சர் எஸ்.ரகுபதி உடல்நலக்குறைவு காரணமாக திருச்சியில் உள்ள தனியார் மருத்துவமனையில் அனுமதிக்கப்பட்டுள்ளார். அமைச்சர் எஸ்.ரகுபதி நேற்று சென்னையில் இருந்து விமானம் மூலம் திருச்சி வந்தார். பின்னர், அங்கிருந்து புதுக்கோட்டைக்கு வரும் வழியில் அவருக்கு திடீரென நெஞ்சுவலி ஏற்பட்டது.
இதையடுத்து, அவர் உடனடியாக திருச்சி மத்திய பேருந்து நிலையம் அருகே உள்ள தனியார் மருத்துவமனையில் அனுமதிக்கப்பட்டார். அங்கு அவருக்கு ஆஞ்சியோகிராம் பரிசோதனை செய்யப்பட்டது. பின்னர் இயல்பு நிலைக்கு திரும்பிய அவர் மருத்துவமனையில் ஓய்வெடுத்து வருகிறார். நகராட்சி நிர்வாகத் துறை அமைச்சர் கே.என். தகவலறிந்த நேரு, நேற்று மதியம் அமைச்சர் ரகுபதியை சந்தித்து நலம் விசாரித்தார்.
