தமிழகத்தில் இன்னும் சில வாரங்களில் வடகிழக்கு பருவமழை தொடங்க உள்ளது. தற்போது பல இடங்களில் அடிக்கடி மழை பெய்து வரும் நிலையில், பருவமழையை எதிர்கொள்ள தமிழக அரசு தயாராகி வருகிறது. கடந்த 24 மணி நேரத்தில் புதுச்சேரி, காரைக்கால் உள்ளிட்ட தமிழகத்தின் பல பகுதிகளில் மழை பெய்துள்ளது.
வட தமிழகத்தில் தென்மேற்கு பருவமழை தீவிரமடைந்துள்ளது. வெப்பநிலையை பொறுத்த வரையில் சென்னை நுங்கம்பாக்கத்தில் அதிகபட்சமாக 35.6 டிகிரி செல்சியஸ் மற்றும் ஈரோட்டில் குறைந்தபட்சமாக 17.5 டிகிரி செல்சியஸ் வெப்பநிலை பதிவாகியுள்ளது.
இதுகுறித்து சென்னை வானிலை ஆய்வு மையம் வெளியிட்டுள்ள செய்திக்குறிப்பில், “தமிழகம், புதுவை, காரைக்காலில் இன்று அனேக இடங்களில் இடி, மின்னலுடன் லேசானது முதல் மிதமானது வரை மழை பெய்யக்கூடும். நீலகிரி, கோவை, திருப்பூர், ஈரோடு மற்றும் நாமக்கல் மாவட்டங்களில் கனமழை முதல் மிக கனமழை பெய்யும்.
நீலகிரி, கோவை, திருப்பூர், தேனி, திண்டுக்கல், கன்னியாகுமரி, ஈரோடு, தஞ்சாவூர், நாகை, புதுக்கோட்டை மாவட்டங்களில் கனமழைக்கு வாய்ப்பு உள்ளது. நீலகிரி, கோவை, தேனி, திண்டுக்கல் ஆகிய மாவட்டங்களில் அக்டோபர் 9-ஆம் தேதி லேசானது முதல் மிதமானது வரை மழை பெய்ய வாய்ப்புள்ளது.
புதுக்கோட்டை, சிவகங்கை, மயிலாடுதுறை, தஞ்சாவூர், திருவாரூர், நாகப்பட்டினம் மற்றும் கடலூர் மாவட்டங்களில் கனமழை பெய்ய வாய்ப்புள்ளது. 10ம் தேதி நீலகிரி, கோவை, திருப்பூர், தேனி, திண்டுக்கல் ஆகிய இடங்களில் கனமழை பெய்ய வாய்ப்புள்ளதாக தெரிவிக்கப்பட்டுள்ளது.
11ம் தேதி மேலும் பல மாவட்டங்களில் கனமழை பெய்ய வாய்ப்புள்ளது. 12-ம் தேதி தமிழகம், புதுவை, காரைக்கால் பகுதிகளில் அனேக இடங்களில் லேசானது முதல் மிதமானது வரை மழை பெய்யக்கூடும். சென்னையில் வானம் ஓரளவு மேகமூட்டத்துடன் காணப்படும், நகரின் ஒரு சில இடங்களில் இடியுடன் கூடிய லேசானது முதல் மிதமான மழை பெய்யக்கூடும்.
