சத்துணவு மையங்களில் போதிய வசதிகள் இல்லை – ஓபிஎஸ் குற்றச்சாட்டு

சென்னை: திமுக ஆட்சியில் சத்துணவு மையங்களில் உள்கட்டமைப்பு வசதிகளை மேம்படுத்தவில்லை என குற்றம்சாட்டிய முன்னாள் முதல்வர் ஓபிஎஸ், பழுதடைந்த காஸ் அடுப்பு மற்றும் உபகரணங்களுக்கு பதிலாக புதிய காஸ் அடுப்பு மற்றும் கருவிகளை வழங்க வேண்டும் என கோரிக்கை விடுத்துள்ளார். இது தொடர்பாக அவர் வெளியிட்டுள்ள அறிக்கையில், “திமுக அரசு நிதிநிலை அறிக்கை, கொள்கை விளக்கக் குறிப்புகள் மூலம் வெளியிட்ட அறிவிப்புகள் வெறும் வாய்வீச்சு அறிவிப்புகளே தவிர, அமலாக்க அறிக்கைகள் அல்ல.

இதற்குப் பல உதாரணங்களைச் சொல்லலாம். ‘ஒரு பானை சோற்றுக்கு ஒரு சோறு பதம்’ என்ற பழமொழிக்கு ஏற்ப, 2024-2025-ம் ஆண்டுக்கான சமூக நலம் மற்றும் மகளிர் உரிமைத் துறை மானியத்திற்கான கொள்கை விளக்கக் குறிப்பில், ‘புரட்சித் தலைவர் எம்.ஜி.ஆர். சத்துணவுத் திட்டம் என்ற தலைப்பில், “சமையலறை உபகரணங்கள் வழங்குதல்’ என்ற தலைப்பில், சத்துணவு மையங்களுக்கு, 25.41 கோடி மதிப்பில், புதிய சமையல் கருவிகள் 2022-2023-ம் ஆண்டில் வழங்கப்பட்டுள்ளதாக தகவல் வெளியாகியுள்ளது.

அதேபோல், 2025-2026-ம் ஆண்டுக்கான சமூக நலம் மற்றும் மகளிர் உரிமைத் துறை மானியக் கொள்கை விளக்கக் குறிப்பில், “புரட்சித் தலைவர் எம்.ஜி.ஆர். சத்துணவுத் திட்டம்” என்ற தலைப்பில், “சத்துணவு மைய உள்கட்டமைப்பு வசதிகள்” என்ற துணைத் தலைப்பின் கீழ், சத்துணவு மையத்தில் சமையல் எரிவாயு இணைப்புத் திட்டத்தில் ஒரு பகுதியாக ரூ. 2100 சத்துணவு மையங்களில் சேமிப்பு அறைகளுடன் கூடிய சமையல் அறைகளை கட்டம் கட்டமாக கட்ட 173 கோடி ரூபாய் ஒதுக்கப்பட்டுள்ளது. இவ்வளவு நிதி ஒதுக்கியும், விருத்தாசலம் அருகே செம்பனகுறிச்சி கிராமத்தில் உள்ள ஊராட்சி ஒன்றிய நடுநிலைப் பள்ளியிலும், 18-04-2025 அன்று கடலூர் சத்துணவு மையத்திலும் தீ விபத்து ஏற்பட்டது.

காஸ் சிலிண்டரில் பொருத்தப்பட்டுள்ள ரெகுலேட்டர், கேஸ் டியூப் பழுதடைந்துள்ளதால், பல சத்துணவு மையங்களில் இந்த நிலை நிலவுவதால், புதிய காஸ் அடுப்பு கேட்டாலும், ஏற்கனவே பயன்படுத்திய பழைய காஸ் அடுப்புதான் வழங்கப்படுகிறது. சத்துணவு மையங்களில் உள்ள காஸ் அடுப்புகளை கூட புதுப்பிக்க முடியாத திறமையற்ற அரசாக திமுக அரசு நிரூபித்து வருகிறது. புதிய காஸ் அடுப்பு கூட வழங்க முடியாத திமுக அரசு சத்துணவு மையங்களை நவீனப்படுத்துவதாக கூறுவது கேலிக்கூத்தானது.

இது மிகவும் கண்டிக்கத்தக்கது. ஒதுக்கப்பட்ட நிதி எல்லாம் எங்கே போகிறது என்ற உணர்வு மக்கள் மத்தியில் உள்ளது. அரசின் மெத்தன போக்கால், சத்துணவு பணியாளர்கள் மற்றும் மாணவர்களின் பாதுகாப்பு கேள்விக்குறியாகியுள்ளது. சத்துணவு மையங்களில் பணிபுரியும் தொழிலாளர்கள் மற்றும் மாணவர்களின் பாதுகாப்பை உறுதி செய்யும் வகையில், பழுதடைந்த காஸ் அடுப்புகளுக்கு பதிலாக புதிய காஸ் அடுப்பு மற்றும் கருவிகளை வழங்கவும், அரசு ஒதுக்கும் நிதியை முறையாக செலவிடவும் அண்ணா திராவிட முன்னேற்றக் கழகத் தொண்டர்கள் உரிமை மீட்புக் குழு சார்பில் முதலமைச்சரை வலியுறுத்துகிறேன்,” என்றார்.