சென்னை: சென்னை மாவட்ட ஆட்சியர் ரஷ்மி சித்தார்த் ஜகடே வெளியிட்டுள்ள செய்திக் குறிப்பில் கூறியிருப்பதாவது:-
தமிழகத்தில் உள்ள அனைத்து மாவட்ட வேலைவாய்ப்பு மற்றும் தொழிற்கல்வி வழிகாட்டி மையங்களில், தனியார் துறை வேலைவாய்ப்பு முகாம்கள் நடத்தப்பட்டு, வேலைவாய்ப்பற்ற இளைஞர்களுக்கு வேலை வாய்ப்பு வழங்கப்பட்டு வருகிறது.
அதன்படி, சென்னையில் உள்ள அனைத்து வேலைவாய்ப்பு மற்றும் தொழில் வழிகாட்டுதல் மையங்களிலும் செப்டம்பர் 27-ம் தேதி தனியார் துறை வேலைவாய்ப்பு முகாம் நடைபெறுகிறது.
கிண்டி ஆலந்தூர் சாலையில் உள்ள ஒருங்கிணைந்த வேலைவாய்ப்பு அலுவலக வளாகத்தில் உள்ள மாவட்ட வேலைவாய்ப்பு மற்றும் தொழில் வழிகாட்டுதல் மையத்தில் காலை 10 மணி முதல் மதியம் 2 மணி வரை நடைபெறும்.
இம்முகாமில் 8, 10, 12, ஐடிஐ, டிப்ளமோ, பட்டம் போன்ற கல்வித் தகுதி உள்ள அனைவரும் கலந்து கொள்ளலாம். இம்முகாமில் 20-க்கும் மேற்பட்ட தனியார் துறை நிறுவனங்கள் கலந்து கொண்டு காலி பணியிடங்களுக்கு விண்ணப்பித்துள்ளனர்.
இம்முகாமின் மூலம் நியமிக்கப்படும் இளைஞர்களின் வேலைவாய்ப்பு பதிவு ரத்து செய்யப்படாது. இம்முகாமில் பங்கேற்க வேலைவாய்ப்பு நிறுவனங்கள் மற்றும் வேலை தேடுபவர்களுக்கு கட்டணம் ஏதும் இல்லை.
இம்முகாமில் பங்கேற்கும் வேலை தேடுவோர் மற்றும் வேலை வழங்குவோர் தமிழ்நாடு தனியார் துறை வேலைவாய்ப்பு இணையதளமான www.tnprivatejobs.tn.gov.inல் தங்களது விவரங்களைப் பதிவு செய்ய வேண்டும். இவ்வாறு அவர் கூறினார்.
