ஊட்டி : ஊட்டி மார்கஸ் சார்பில் தாழ்த்தப்பட்ட மாணவர்களுக்கு கல்வி உதவித்தொகை வழங்கப்பட்டது. ஊட்டி பிங்கர்போஸ்ட் அருகே பழைய போஸ்ட் ஆபீஸ் பகுதியில் ஊட்டி மார்கஸ் கல்லூரி உள்ளது. இங்கு மதக் கல்வி மற்றும் உடற்கல்வி கற்பிக்கப்படுகிறது. இங்கு, 60க்கும் மேற்பட்ட மாணவ, மாணவியர் படிக்கின்றனர்.
ஊட்டி மர்கஸ் சார்பில் தாழ்த்தப்பட்ட மாணவர்களுக்கு நிதியுதவி வழங்கும் நிகழ்ச்சி நடந்தது. சையது முகமது ஷா தலைமை வகித்து 16 பேருக்கு கல்வி உதவித்தொகை வழங்கினார். இந்நிகழ்வில் நாசர் ஹிஷாமி, உமர் அல்ஹஸனி, லுக்மான் மதனி, நவ்வி அல்ஹஸனி ஆலநல்லூர், முகம்மது நிஷாத் அல்ஹஸனி, ஹாபில் யூசுப், சுக்கைல் உட்பட பலர் கலந்துகொண்டனர்.
