போக்குவரத்து மேம்பாட்டு நிதி கழகத்தின் 50-வது ஆண்டு விழாவை முன்னிட்டு சிறப்பு வட்டி விகிதம் அறிவிக்கப்பட்டுள்ளது. இதுகுறித்து வெளியிடப்பட்டுள்ள அறிவிப்பில் கூறியிருப்பதாவது:- அரசு போக்குவரத்து கழகங்களுக்கு உதவும் வகையில், தமிழ்நாடு போக்குவரத்து மேம்பாட்டு நிதி கழகம், தமிழக அரசால், 1975-ல் துவங்கப்பட்டது. இது வங்கி சாரா நிதி நிறுவனமாக பதிவு செய்யப்பட்டு ரிசர்வ் வங்கியின் வழிகாட்டுதலின்படி சென்னை திருவல்லிக்கேணியில் செயல்படுகிறது.
1.37 லட்சம் வாடிக்கையாளர்கள் இங்கு ரூ. 10,427 கோடி முதலீடு செய்துள்ளனர். ஒரு வருடம் முதல் 5 ஆண்டுகள் வரை பொதுமக்கள் மற்றும் நிறுவனங்களிடமிருந்து முதலீடு பெறப்படுகிறது. மூத்த குடிமக்களுக்கு இதில் அதிக வட்டி வழங்கப்படுகிறது. தற்போது, நிறுவனம் தனது 50வது ஆண்டு விழாவை கொண்டாடி வருகிறது. இதன் ஒரு பகுதியாக சிறப்பு வட்டி விகிதம் அறிவிக்கப்பட்டுள்ளது.
அந்த வகையில், பண வளர்ச்சித் திட்டத்தின் கீழ், சாதாரண குடிமக்களுக்கு ஆண்டுக்கு 8.10 சதவீதத்தில் இருந்து 8.50 சதவீதமாக 5 ஆண்டுகளுக்கு அடிப்படை வட்டி நிர்ணயம் செய்யப்பட்டுள்ளது. அந்த வகையில், ரூ. 50 ஆயிரம், உங்களுக்கு ஒரு வருடத்தில் ரூ. 54,175 மற்றும் 5 ஆண்டுகளில் ரூ. 76,140. அதே நேரத்தில், 60 வயதுக்கு மேற்பட்டவர்களுக்கு, அடிப்படை வட்டி விகிதம் ஆண்டுக்கு 8.25 சதவீதமாகவும், 5 ஆண்டுகளுக்கு 9 சதவீதமாகவும் நிர்ணயிக்கப்பட்டுள்ளது.
அதன்படி, ரூ. 54,254 முதல் ரூ. 78,025 வழங்கப்படுகிறது. மேலும் விவரங்களுக்கு www.tdfc.in என்ற இணையதளத்தைப் பார்க்கவும் அல்லது 044 2533 3930 என்ற எண்ணில் தொடர்பு கொள்ளவும்.இவ்வாறு அதில் கூறப்பட்டுள்ளது.
