மதுரை: மதுரையில் நடைபெற்ற முருக பக்தர்கள் மாநாட்டில் பேசிய பா.ஜ. முன்னாள் மாநில தலைவர் அண்ணாமலை, ஆளும் அரசியல்வாதிகள் இன்னும் பழைய அரசியலை நடத்துகின்றனர் என்றும், ஹிந்துக்களுக்கு எதிரான நிலைபாட்டை வெளிக்கொணர்ந்து “இது எச்சரிக்கை மணி” எனக் கூறினார்.
அவர் கூறும்போது, ஹிந்துக்கள் மீது தாக்குதல்களும், அவர்களின் வாழ்வியல் முறையில் ஏற்பட்டுள்ள தடைகளும், அரசியல்வாதிகளின் நோக்கங்களைப் பிரதிபலிக்கின்றன என்றார். “பஹல்காமில் 26 பேர் ‘நீ ஹிந்து மா?’ என்ற கேள்விக்குப் பிறகு சுட்டுக்கொல்லப்பட்டனர். இது போன்ற சம்பவங்களை எதிர்த்து எழுந்து நிற்கும் நேரம் இது” என அவர் வலியுறுத்தினார்.
அண்மை கால அரசியல் சூழ்நிலைகளைவும், கோவில் நிர்வாகங்களில் பாரபட்சங்களைப் பற்றியும் விமர்சித்த அண்ணாமலை, “44,000 கோவில்கள் இந்து அறநிலையத்துறையின் கட்டுப்பாட்டில் உள்ளன. இதில் ஆயிரம் ஆண்டுகள் பழமை வாய்ந்த கோவில்கள் 344-க்கும் மேற்பட்டவை. ஆனால் பணம் இருப்பவர்களுக்கு ஓர் விதம், மற்றவர்களுக்கு வேறொரு விதம் நடக்கிறது” என்றார்.
இந்த மாநாடு 2026ம் ஆண்டு தேர்தலுக்காக அல்ல, ஹிந்துக்களின் வாழ்வியல் உரிமைக்காக நடைபெற்றதாகவும் அவர் குறிப்பிட்டார்.
