சென்னை: “இந்தியாவின் கல்வி மையமாக தமிழகம் தொடர்ந்து ஜொலித்து வருகிறது என செயல்தலைவர் ஸ்டாலின் கூறினார்.
இதுகுறித்து செயல்தலைவர் ஸ்டாலின் தனது எக்ஸ் பக்கத்தில், “இந்தியாவின் கல்வி மையமாக தமிழகம் தொடர்ந்து ஜொலித்து வருகிறது. 2024 ஆம் ஆண்டு தேசிய கல்வி நிறுவன தரவரிசையில் அதிக எண்ணிக்கையிலான உயர்கல்வி நிறுவனங்களுடன், நமது மாநிலம் மற்றவர்களை விட மிகவும் முன்னோக்கி நிற்கிறது மற்றும் தரமான கல்விக்கான அளவுகோலை அமைக்கிறது.
நமது நாட்டின் எதிர்காலத்தை வடிவமைப்பதில் முன்னணியில் இருக்கும் திராவிட மாடலுக்கு இது ஒரு பெருமையான தருணம்!. நான் முதுவன், புதுமைப் பெண், தமிழ்ப் புதல்வன் போன்ற புதுமையான திட்டங்களின் மூலம் உயர்கல்வியில் நமது மாணவர்கள் புதிய உச்சங்களை அடைவார்கள். முன்னதாக இந்த ஆண்டுக்கான தேசிய கல்வி நிறுவன தரவரிசைப் பட்டியலில் தமிழக உயர்கல்வி நிறுவனங்கள் முன்னணி இடத்தைப் பிடித்திருந்தன.
முதல் 100 பல்கலைக்கழகங்களில் 22 பல்கலைக்கழகங்கள், முதல் 100 கலைக் கல்லூரிகளில் 37, முதல் 100 பொறியியல் கல்லூரிகளில் 14 மற்றும் முதல் 50 மாநிலப் பல்கலைக்கழகங்களில் 10 ஆகியவை தமிழ்நாட்டைச் சேர்ந்த கல்வி நிறுவனங்கள். நாட்டிலேயே ஒட்டுமொத்தப் பிரிவில் சென்னை ஐஐடி சிறந்த கல்வி நிறுவனமாகத் தேர்வு செய்யப்பட்டுள்ளது. சென்னையைச் சேர்ந்த சவிதா இன்ஸ்டிடியூட் ஆப் மெடிக்கல் அண்ட் டெக்னிக்கல் சயின்சஸ் பல் மருத்துவப் பிரிவிலும் முதலிடம் பிடித்துள்ளது. சிறந்த மாநில பொதுப் பல்கலைக்கழகமாக சென்னையில் உள்ள அண்ணா பல்கலைக்கழகம் தேர்வு செய்யப்பட்டுள்ளது.
