தஞ்சாவூர்: தஞ்சாவூர் அருகே மருங்குளத்தில் உள்ள நேரடி நெல் கொள்முதல் நிலையத்தை இன்று (செப்டம்பர் 14) நேரில் பார்வையிட்டு ஆய்வு செய்த ராதாகிருஷ்ணன் நிருபர்களிடம் கூறியதாவது:-
இந்த ஆண்டுக்கான கொள்முதல் சீசன் செப்டம்பர் 1-ம் தேதி துவங்கி புதிய விலையில் நெல் கொள்முதல் செய்யப்படுகிறது. தமிழகம் முழுவதும் இதுவரை 538 நேரடி நெல் கொள்முதல் நிலையங்கள் திறக்கப்பட்டுள்ளன. இவற்றின் மூலம் இந்த ஆண்டு இதுவரை 83,152 டன் நெல் கொள்முதல் செய்யப்பட்டுள்ளது.
விவசாயிகள் நெல்லை சாலைகளில் உலர்த்தாமல் கொள்முதல் நிலையங்களில் வயல் மற்றும் இதர இடங்களை பயன்படுத்த முன்வர வேண்டும். தேவைப்படும் இடங்களில் களம் அமைக்க அந்தந்த மாவட்ட நிர்வாகம் தயாராக உள்ளது.
விவசாயிகளிடம் இருந்து கொள்முதல் செய்த நெல்லை சேமிக்க போதுமான இடங்களில் பருத்திகள் தயார் நிலையில் உள்ளன. இந்த ஆண்டு கூட்டுறவு சங்கங்கள் மூலம் விவசாயிகளுக்கு கடன் வழங்க ரூ.16,500 கோடி இலக்கு நிர்ணயிக்கப்பட்டுள்ளது.
அதில் இதுவரை ரூ. 4,405 கோடி கடன் வழங்கப்பட்டுள்ளது. கடந்த ஆண்டு தமிழகம் முழுவதும் 34.96 லட்சம் டன் நெல் கொள்முதல் செய்யப்பட்டது. இந்த ஆண்டு 40 லட்சம் டன் நெல் கொள்முதல் செய்ய இலக்கு நிர்ணயித்து அதற்கான விளம்பரப் பணிகளை தீவிரப்படுத்தி வருகிறோம்.
தற்போது கொள்முதல் சீசன் நடப்பதால், அடுத்த மூன்று மாதங்களுக்கு கொள்முதல் பணிகளை தீவிரப்படுத்த அதிகாரிகள் கண்காணித்து வருகின்றனர். மாவட்டங்களில் தேவையான இடங்களில் நெல் கொள்முதல் நிலையங்களை திறக்க மாவட்ட ஆட்சியர்களுக்கு முழு அதிகாரம் அளிக்கப்பட்டு விவசாயிகள் கொண்டு வரும் நெல்லை எக்காரணம் கொண்டும் தாமதமின்றி கொள்முதல் செய்ய நடவடிக்கை எடுக்கப்பட்டு வருகிறது.
அதிகாரிகள் புள்ளி விவரங்களுக்கு அடிமையாகாமல், ஒரு விவசாயிக்கு ஏக்கருக்கு 2,600 கிலோ என்ற உச்சவரம்பு இல்லாமல் வயலுக்கு ஏற்றவாறு கொள்முதல் செய்ய நடவடிக்கை எடுக்க வேண்டும்.
கொள்முதல் நிலையங்களில் நடக்கும் முறைகேடுகள் உள்ளிட்ட புகார்கள் சமூக வலைதளங்கள் உள்ளிட்ட ஆப்ஸ் மூலம் உடனுக்குடன் தெரிய வருகிறது. எனவே, இதையும் கண்காணித்து வருகிறோம்.
முறைகேடுகளை களைய நுகர்வோர் வர்த்தகம் மற்றும் தொழில் கழகத்தின் கீழ் விஜிலென்ஸ் துறை செயல்பட்டு வருகிறது. அந்த துறை மூலமாகவும் நடவடிக்கை எடுத்து வருகிறோம். விவசாயிகள் யாராவது புகார் அளிக்க முன்வந்தால், கொள்முதல் நிலையங்களில் உள்ள இலவச எண்ணில் தெரிவிக்க வேண்டும். இவ்வாறு அவர் கூறினார்.
இந்த ஆய்வின் போது தஞ்சாவூர் மாவட்ட ஆட்சியர் பிரியங்கா பங்கஜம் மற்றும் அதிகாரிகள் உடனிருந்தனர்.
