ஒருங்கிணைந்த தொழில்நுட்ப சேவைகள் தேர்வில் (நேர்காணலுடன் கூடிய பதவிகள்) நூலகர் பதவிக்கான நேரடி சான்றிதழ் சரிபார்ப்பு மற்றும் நேர்காணலுக்கு அனுமதிக்கப்பட்ட வேட்பாளர்களின் பட்டியல் இணையதளத்தில் வெளியிடப்பட்டுள்ளதாக TNPSC அறிவித்துள்ளது.
இது குறித்து, தமிழ்நாடு பொது சேவை ஆணையத்தின் (TNPSC) தேர்வு கட்டுப்பாட்டாளர் அ. ஜான் லூயிஸ் வெளியிட்டுள்ள செய்திக்குறிப்பில் கூறியதாவது:- ஒருங்கிணைந்த தொழில்நுட்ப சேவைகள் தேர்வு (நேர்காணலுடன் கூடிய பதவிகள்) கடந்த ஆண்டு நவம்பர் 18-ம் தேதி நடத்தப்பட்டது.
அந்தத் தேர்வில் கல்லூரி நூலகர் (சட்டம் மற்றும் உயர்கல்வி) பதவிக்கான 17 காலியிடங்களுக்கான நேரடி சான்றிதழ் சரிபார்ப்பு மற்றும் நேர்காணலுக்கு அனுமதிக்கப்பட்ட வேட்பாளர்களின் பதிவு எண்கள் அடங்கிய பட்டியல் ஆணையத்தின் இணையதளத்தில் (www.tnpsc.gov.in) வெளியிடப்பட்டுள்ளது.
மேலும், ஜனவரி 4-ம் தேதி நடைபெற்ற ஒருங்கிணைந்த சிவில் சர்வீசஸ் தேர்வு – 5-A-ல் வேட்பாளர்கள் பெற்ற மதிப்பெண்கள் மற்றும் தரவரிசைகளும் இணையதளத்தில் வெளியிடப்பட்டுள்ளன. 35 காலியிடங்களை நிரப்ப நடத்தப்பட்ட இந்தத் தேர்வில் மொத்தம் 693 வேட்பாளர்கள் பங்கேற்றனர். இவ்வாறு அவர் தெரிவித்துள்ளார்.
