தமிழக வெற்றிக் கழகத்தின் (தவெக) முக்கியமான மாநிலச் செயற்குழு கூட்டம் வருகிற ஜூலை 4ம் தேதி வெள்ளிக்கிழமை காலை 10 மணி முதல் நடைபெற உள்ளது. இந்த கூட்டம், சென்னை பனையூரில் அமைந்துள்ள தலைமைச் செயலகத்தில், கழகத் தலைவர் திரு. விஜய் தலைமையில் நடைபெற இருப்பது குறிப்பிடத்தக்கது.
அரசியல் மட்டத்தில் தவெக கடந்த சில மாதங்களில் பல்வேறு வளர்ச்சிகளை சந்தித்து வருகிறது. இந்நிலையில், அடுத்த கட்ட நடவடிக்கைகள் குறித்து ஆலோசிக்கப்படும் இந்த கூட்டம், எதிர்கால செயல் திட்டங்களுக்கு மிகவும் முக்கியத்துவம் வாய்ந்ததாக பார்க்கப்படுகிறது. வெற்றித் தலைவர் விஜய்யின் மக்கள் சந்திப்பு நிகழ்வுகள், மற்றும் எதிர்வரும் பொது நிகழ்ச்சிகள் பற்றிய திட்டமிடலும் இந்த கூட்டத்தின் முக்கிய அம்சமாக இருக்கும்.
கழக விதிகளின்படி, மாநிலச் செயற்குழு உறுப்பினர்கள், தலைமைக் கழக நிர்வாகிகள், சிறப்புக் குழு உறுப்பினர்கள், மண்டல பொறுப்பாளர்கள், மாவட்ட செயலாளர்கள் மற்றும் மாநில ஒருங்கிணைப்பாளர்கள் மட்டுமே இதில் பங்கேற்க அனுமதிக்கப்படுவார்கள். இதில் சார்பு அணிகளின் முக்கிய நிர்வாகிகளும் பங்கெடுப்பர். இது ஒரு உள்புற ஆலோசனைக் கூட்டமாகவே நடத்தப்படும் என்பதையும் கழகத் தலைமை உறுதி செய்துள்ளது.
கூட்டம் தொடர்பான அறிவிப்பை தவெக பொதுச்செயலாளர் புஸ்ஸி ஆனந்த் வெளியிட்டுள்ளார். இதில், அனைத்து உரிய உறுப்பினர்களும் தவறாமல் பங்கேற்க வேண்டும் எனவும், தலைமை கழகத்தின் ஒப்புதலுடன் அழைப்பு விடுக்கப்பட்டுள்ளது. இந்த கூட்டத்தின் முடிவுகள், தவெக அரசியல் ஓட்டத்தையும், சமூக வேலைத்திட்டங்களையும் தீர்மானிக்கக்கூடிய முக்கிய கட்டமாக அமையும்.
