சென்னை: சென்னையில் இரண்டாம் கட்ட மெட்ரோ ரயில் நிலையங்களில் மாற்றுத்திறனாளிகளுக்கான அனைத்து வசதிகளும் செய்து தரப்படும் என உயர்நீதிமன்றத்தில் தமிழக அரசு உறுதி அளித்துள்ளது. சென்னையில் புதிதாக கட்டப்படும் மெட்ரோ ரயில் நிலையங்களில் மாற்றுத்திறனாளிகளுக்கு சாய்வுதளம் அமைக்க தமிழக அரசுக்கு உத்தரவிடக் கோரி வைஷ்ணவி ஜெயக்குமார் சென்னை உயர்நீதிமன்றத்தில் பொதுநல வழக்கு தொடர்ந்தார்.
இந்த வழக்கு தலைமை நீதிபதி ஆர்.மகாதேவன், நீதிபதி முகமது ஷபீக் ஆகியோர் அடங்கிய அமர்வில் நேற்று விசாரணைக்கு வந்தது. அப்போது, மனுதாரர் தரப்பு வழக்கறிஞர் யோகேஸ்வரன், “மெட்ரோ ரயில் நிலையங்களில் சாய்வுதள வசதிகள் ஏற்படுத்தப்பட்டுள்ளதாக 2017ஆம் ஆண்டு அறிக்கையில் தெரிவிக்கப்பட்டுள்ளது.
மாற்றுத்திறனாளிகளுக்கு சிரமம்: சக்கர நாற்காலியில் இருந்தும், மாற்றுத்திறனாளிகள் மெட்ரோ நிலையங்களிலும், மெட்ரோ ரயில்களிலும் சிரமப்படும் சூழ்நிலை உள்ளது.
அப்போது தமிழக அரசு தரப்பில் ஆஜரான வக்கீல் பி.எஸ்.ராமன், “”தற்போது சென்னையில் 2ம் கட்ட மெட்ரோ கட்டுமான பணி நடந்து வருகிறது. தற்போதுள்ள மெட்ரோ ரயில் நிலையங்களில், பெட்டிகள் மற்றும் நடைமேடை இடைவெளியை குறைக்கும் வகையில் மாற்றங்கள் ஏற்படும். முழு கட்டுமானம்.
அனைத்து வசதிகளும்: எனவே, இரண்டாம் கட்ட மெட்ரோ ரயில் நிலையங்கள், மாற்றுத்திறனாளிகள் பயன்படுத்தும் வகையில் அனைத்து வசதிகளுடன் கட்டப்படும்,” என உறுதியளித்தார். இதைப் பதிவு செய்த நீதிபதிகள், இது தொடர்பாக அரசு அறிக்கை தாக்கல் செய்ய உத்தரவிட்டு விசாரணையை ஒத்திவைத்தனர்.
