சென்னை: வரலாற்று சின்னங்களை பாதுகாக்க உரிய நடவடிக்கை தேவை என விஜய் வசந்த் எம்.பி. இதுகுறித்து அவர் எக்ஸ் தளத்தில் பதிவிட்டுள்ளதாவது:- மாத்தூர் தொட்டிபாலத்தில் உள்ள பெருந்தலைவர் காமராஜரின் நினைவு கல்வெட்டு சேதமடைந்ததை தொடர்ந்து, அதே இடத்தில் புதிய கல்வெட்டு நிறுவப்பட்டுள்ளது. குறுகிய காலத்தில் இக்கல்வெட்டை மீண்டும் நிறுவிய தமிழக அரசுக்கும், மாவட்ட நிர்வாகத்துக்கும் எனது நன்றியைத் தெரிவித்துக் கொள்கிறேன்.
குமரியின் மேற்குப் பகுதியில் உள்ள உயர் கிராமங்களுக்கு பாசனம் மற்றும் குடிநீர் தேவைக்காக சிற்றாறு அணையில் இருந்து தண்ணீர் கொண்டு செல்ல பெருந்தலைவர் காமராஜரின் தரிசனத்தில், கணியான் பாறை மலையையும், கூட்டுவாவுப்பாறை என்ற மலையையும் இணைத்து, இரு மலைகளுக்கு இடையே மாத்தூர் தொட்டிபாலம் கட்டப்பட்ட அதிசயம். கர்ம வீரனின் கனவுத் திட்டத்தை நினைவூட்டும் வகையில் மீண்டும் இந்த கல்வெட்டு அங்கு நிறுவப்பட்டுள்ளது மகிழ்ச்சி அளிக்கிறது. இதுபோன்ற வரலாற்றுச் சின்னங்களை பாதுகாக்க அரசு உரிய நடவடிக்கை எடுக்க வேண்டும். பொதுமக்களும் அரசுடன் இணைந்து செயல்படுவது அவசியம் என்றார்.
