திருவள்ளூர்: “தனியாக நின்றாலும் வெற்றி பெறும் பலம் எங்களிடம் உள்ளது,” என, தமிழக காங்கிரஸ் தலைவர் செல்வப்பெருந்தகை கூறினார். திருவள்ளூர் நகர காங்கிரஸ் செயற்குழு கூட்டத்தில் செல்வப்பெருந்தகை பேசியதாவது: காங்கிரஸ் ஐந்து ஆண்டுகளுக்கு முன்பு இருந்தது போல் இல்லை.
எல்லா இடங்களிலும் வலிமையானது. தனித்து நின்றாலும் வெற்றி பெற நமது கட்டமைப்பை வலுப்படுத்த வேண்டும். 2021 சட்டசபை தேர்தல் மற்றும் 2024 லோக்சபா தேர்தலின் போது எங்களுக்கு உரிய அங்கீகாரமும் மரியாதையும் வழங்கப்படவில்லை.
அவர்கள் ஏதோ ஒரு வகையில் அலட்சியமாக இருக்கிறார்கள். எங்களுக்கு மரியாதை வேண்டும் என்கிறார்கள். அனைத்து நகர, பிராந்திய மற்றும் மாவட்ட தலைவர்கள், எங்களுக்கு தகுதியான அங்கீகாரம் எப்போது கிடைக்கும். கடந்த 2, 3 தேர்தல்களில் அது சரியல்ல என்கிறார்கள். நாம் வலுவாக இருந்தால், தகுதியான மரியாதையும் அங்கீகாரமும் கிடைக்கும். அதற்கு கட்சி கட்டமைப்பை பலப்படுத்த வேண்டும். இவ்வாறு அவர் பேசினார்.
பின்னர் அவர் நிருபர்களிடம் கூறியதாவது: கட்சி கட்டமைப்பை பலப்படுத்த வேண்டும் என கூட்டத்தில் கூறினேன். தற்போது 9 தொகுதிகளை தருகிறார்கள். ஓட்டு வங்கி அதிகரிக்கும் போது 20 சீட் தருவோம் என கூட்டணி கட்சி சொல்லும் அளவிற்கு தொண்டர்கள் உழைக்க வேண்டும்.
பொதுக்குழு, செயற்குழு கூட்டங்களில் இப்படித்தான் பேச வேண்டும் என்பது விதி. தொண்டர்களை நாங்கள் ஊக்குவிக்காமல் வேறு யாரால் செய்ய முடியும். காங்கிரஸ் சித்தாந்தம் மற்றும் கொள்கை கோட்பாடு கொண்ட கட்சி. பாஜகவுக்கு ஒன்றுமில்லை. இவ்வாறு அவர் கூறினார்.
