நாகர்கோவில்: நாகர்கோவில் கோட்டாரில் உள்ள புனித சவேரியார் பேராலய திருவிழா, விரும்பிய வரம் வழங்கும் விழா, இன்று கொடியேற்றத்துடன் துவங்குகிறது. திருவிழா அடுத்த மாதம் (டிசம்பர்) 3-ம் தேதி வரை நடக்கிறது. திருவிழா நாட்களில் தினமும் காலை திருப்பலியும், மாலையில் ஆடம்பர கூட்டு திருப்பலி 8-ம் திருவிழாவான டிசம்பர் 1-ம் தேதி காலை 6.15 மணிக்கு திருமஞ்சனம் நடக்கிறது.
அன்று காலை 8 மணிக்கு முதல் திருப்பலி நடக்கிறது. அன்றைய தினம் மாலை 6.30 மணிக்கு பிரம்மோற்சவம் நடைபெறும். பின்னர், அன்று இரவு 10.30 மணிக்கு தேர் ஊர்வலம் நடைபெறும். 9-ம் திருநாளான டிச.2-ம் தேதி மாலை 6.30 மணிக்கு சிறப்பு மாலை ஆராதனை மற்றும் நற்கருணை ஆசீர்வாதம் நடக்கிறது. கோட்டார் மறைமாவட்ட ஆயர் நசரேன் சூசை தலைமை தாங்குகிறார். அன்று இரவு 10.30 மணிக்கு 2-ம் நாள் தேர் ஊர்வலம் நடக்கிறது.
10-ம் திருநாளான டிசம்பர் 3-ம் தேதி செவ்வாய்கிழமை காலை 6 மணிக்கு ஆயர் நசரேன் சூசை தலைமையில் பெருவிழா திருப்பலியும், இரவு 8 மணிக்கு மலையாள ஆராதனையும் நடைபெறுகிறது. அன்று காலை 11 மணிக்கு தேர் ஊர்வலம் நடைபெறும். அன்று இரவு 7 மணிக்கு தேரில் மகா தேரோட்டம் நடைபெறும். தேர் ஊர்வலத்தின் போது பக்தர்கள் தேரின் பின்னால் விழுந்து கும்பிட்டு நேர்த்திக்கடன் செலுத்துவர். உப்பு மற்றும் மெழுகுவர்த்திகளும் பிரசாதமாக வழங்கப்படும்.
சவேரியார் பேராலய திருவிழாவை முன்னிட்டு குமரி மாவட்டத்திற்கு டிசம்பர் 3ம் தேதி உள்ளூர் விடுமுறை. விழா ஏற்பாடுகளை அருட்தந்தையர் பாஸ்கலிஸ், உதவி பங்குத்தந்தை ஷாஜன் சிசில், பேரவை துணை தலைவர் ஜேசுராஜா, பேரவை செயலாளர் ராஜன், துணை செயலாளர் ராஜன் ஆராச்சி, பொருளாளர் ஜார்ஜ் பிரகாஷ் ராபின் மற்றும் ஊர் பொதுமக்கள் செய்து வருகின்றனர்.
