தேனி: தேனி மாவட்டம் ஆண்டிபட்டி அருகே பெய்து வரும் கனமழை காரணமாக, மேகமலை அருவியில் சுற்றுலாப் பயணிகள் 2-வது நாளாக குளிக்கத் தடை விதிக்கப்பட்டுள்ளது.
தேனி மாவட்டத்தில் உள்ள மேகமலை அருவி மேற்குத் தொடர்ச்சி மலைக்கு அருகில் அமைந்துள்ளது மற்றும் இது ஒரு இயற்கை எழில் கொஞ்சும் பகுதியாகும். இதன் காரணமாக, வார இறுதி நாட்களிலும் விடுமுறை நாட்களிலும் மேகமலை அருவிக்கு சுற்றுலாப் பயணிகள் வருகை தருகின்றனர்.
இந்த நிலையில், கடந்த சில நாட்களாக கேரள மாநில எல்லையை ஒட்டியுள்ள மலைப்பகுதியில் தொடர்ந்து கனமழை பெய்து வருவதால், மேகமலை அருவியில் நீர்வரத்து அதிகரித்து, கடுமையான வெள்ளப்பெருக்கு ஏற்பட்டுள்ளது. இந்த வெள்ளப்பெருக்கு காரணமாக, தொடர்ந்து 2-வது நாளாக மேகமலை அருவியில் சுற்றுலாப் பயணிகள் குளிக்க வனத்துறை தடை விதித்துள்ளது.
அருவியில் நீர்வரத்து சீரடைந்தவுடன் மீண்டும் தடை நீக்கப்படும் என்று அறிவிக்கப்பட்டுள்ளது. மேகமலை அருவியில் தடை விதிக்கப்பட்டதை அறியாமல் அருவிக்கு வந்த சுற்றுலாப் பயணிகள் ஏமாற்றத்துடன் திரும்பிச் சென்றனர்.
