புதுச்சேரி: மூன்று புதிய சட்டங்கள் குறித்து பேராசிரியர்களுக்கு விளக்கம் அளிக்கப்பட்டது. புதுச்சேரியில் உள்ள அம்பேத்கர் அரசு சட்டக் கல்லூரி, மத்திய அரசின் சட்டம் மற்றும் நீதி அமைச்சகத்தின் நீதித் துறையின் கீழ் நியாய கவுர என்ற திட்டத்தைத் தொடங்கியுள்ளது. அதன்படி பள்ளி, கல்லூரிகளில் தொடர்ந்து சட்ட விழிப்புணர்வு ஏற்படுத்தப்பட்டு வருகிறது.
புதிதாக அமல்படுத்தப்பட்டுள்ள மூன்று குற்றவியல் சட்டங்கள் குறித்த பயிற்சி வகுப்பு பெரியகலப்பட்டு குளூனி பிரசாந்த் வனப்பகுதியில் நடைபெற்றது. சட்டக் கல்லூரி முதல்வர் சீனிவாசன் வரவேற்றார்.
மாவட்ட நீதிபதி அம்பிகா, சட்டம் ஒழுங்கு சீனியர் எஸ்.பி., நரசைதன்யா சிறப்பு விருந்தினர்களாக கலந்து கொண்டனர். தொடர்ந்து, நடந்த சிறப்பு அமர்வுகளில், அம்பேத்கர் அரசு சட்டக் கல்லுாரி உதவி பேராசிரியர்கள் விஜயன், கவுசலேந்திர பிரதாப் சிங், புதுச்சேரி பல்கலை சட்டப்பள்ளி துறை தலைவர் குர்மிந்தர் கவுர், புதிய சட்டங்கள் குறித்து விவாதித்து விளக்கினர். பங்கேற்றவர்களுக்கு சான்றிதழ்கள் வழங்கப்பட்டன.
பல்வேறு கல்வி நிறுவனங்களின் பேராசிரியர்கள் பங்கேற்றனர். பின்னர் பயிற்சி பெற்ற பேராசிரியர்கள் கல்லூரிகளில் மாணவர்களுக்கு விழிப்புணர்வு ஏற்படுத்துவார்கள்.
