சென்னை: சென்னை மாநகராட்சி சார்பில் மெரினா, பெசன்ட்நகர் கடற்கரைகளில் தினமும் இரண்டு முறை இயந்திரங்கள் மூலம் குப்பைகள் அகற்றப்பட்டு வருவதாக மாநகராட்சி ஆணையர் ஜெ.குமரகுருபரன் தெரிவித்துள்ளார்.
மெரினா ஆசியாவிலேயே 2-வது பெரிய கடற்கரை. கல்வி, வேலை, குடும்ப நலத் திட்டங்களுக்காக சென்னை நகருக்கு வருபவர்கள் மெரினா கடற்கரைக்குச் செல்லாமல் சொந்த ஊருக்குத் திரும்புவதில்லை.
அந்த அளவுக்கு மெரினா கடற்கரை உள்ளூர் மக்களை மட்டுமின்றி வெளிநாட்டினரையும் கவர்ந்துள்ளது. இந்த கடற்கரைக்கு தினமும் 10 ஆயிரத்துக்கும் மேற்பட்டோர் வந்து செல்கின்றனர்.
திருவிழாவின் போது ஒரு லட்சத்துக்கும் மேற்பட்டோர் வந்து செல்கின்றனர். பெசன்ட் நகர் கடற்கரை வரலாற்றுப் புகழ் பெற்றுள்ளது. மெரினா மற்றும் பெசன்ட் நகர் கடற்கரைகளில் உணவகங்களின் எண்ணிக்கை 1500 ஆக அதிகரித்துள்ளது.
இந்த கடற்கரைகளில் உருவாகும் குப்பைகளை அகற்ற சென்னை மாநகராட்சி சார்பில் 7 நவீன இயந்திரங்கள் பயன்படுத்தப்பட்டு வருகின்றன. தினமும் காலையில் மட்டும் குப்பைகளை அகற்றி வருகின்றனர்.
ஆனால், மாலையில் கூட்டம் அதிகரிக்க அதிகரிக்க, சென்னை கடற்கரைகள் மேலும் குப்பைகளாகவும், அசுத்தமாகி விடுகின்றன. இந்நிலையில், இந்த இரு கடற்கரைகளின் தூய்மையை உறுதி செய்யும் வகையில், அக்டோபர் 1-ம் தேதி முதல், இயந்திரங்கள் மூலம் தினமும் இரண்டு முறை குப்பைகளை அகற்ற நடவடிக்கை எடுக்கப்பட்டு வருகிறது.
மேலும், மக்கள் குப்பைகளை கொட்ட மீன் உள்ளிட்ட விலங்குகள் வடிவில் குப்பை தொட்டிகள் சேர்க்க நடவடிக்கை எடுக்கப்பட்டுள்ளதாக மாநகராட்சி கமிஷனர் ஜெ.குமரகுருபரன் தெரிவித்தார்.
