இஸ்ரேல்-ஈரான் மோதல் உலகளாவிய பொருளாதாரத்தில் பெரும் பதற்றத்தை உருவாக்கியுள்ளது. இதனால் கச்சா எண்ணெய் மற்றும் தங்கத்தின் விலை உயரத் தொடங்கியுள்ளன. இந்த நிலையில் பிரபல பொருளாதார வல்லுநர் ஆனந்த் சீனிவாசன் புதிய தகவல்களை வெளியிட்டுள்ளார்.
தற்போது கச்சா எண்ணெய் விலை 75 டாலரைக் கடந்து, ரூபாய் மதிப்பு 86.50 ஆகச் சென்றுள்ளது. ஹார்முஸ் ஜலசந்தியில் மோதல் ஏற்பட்டால் இந்த எண்ணெய் விலை 110 வரை செல்லும் என அவர் கூறியுள்ளார். இஸ்ரேல் அப்பகுதியில் தாக்குதல் மேற்கொண்டால் விலை கட்டுப்பாடின்றி உயரும்.
மாற்றமாக அமெரிக்கா சந்தைகளில் வட்டி விகிதம் குறைவதற்கான வாய்ப்பு குறைவாகவே உள்ளதாகவும், விலைவாசி உயர்வும் பணவீக்கமும் அதிகரிக்கும் எனவும் அவர் எச்சரிக்கை விடுத்துள்ளார்.
அத்துடன், டிரம்ப் மற்றும் அவரது செயல்கள் பற்றிய தீவிர கவனிப்பும் இப்போது தேவைப்படுகிறது. டிரம்ப் தாக்குதல் செய்வாரா இல்லையா என்பது சந்தைகளைப் பாதிக்கும் முக்கிய விடயம் எனவும் கூறியுள்ளார்.
மோதல் தொடரும் சூழலில் சர்வதேச சந்தைகளில் தங்கம் அதிகரிக்க வாய்ப்பு இருந்தாலும், இந்தியாவில் ரூபாய் மதிப்பு சரிவதால் தங்கம் விலை ஏறுவதை நாம் காண்கிறோம்.
இந்த தாக்கங்கள் நீடித்தால் நாட்டு மக்களுக்கு அத்தியாவசிய பொருட்கள் விலையுயர்வில் கிடைக்கும் என்பதையும் மறக்கக் கூடாது.
இஸ்ரேல்-ஈரான் மோதல், ஹார்முஸ் ஜலசந்தி பிரச்சனை, அமெரிக்காவின் எதிர்கால நடவடிக்கைகள் ஆகியவை அனைத்தும் பெட்ரோல், தங்கம் மற்றும் சந்தை நிலைமைகளை தீர்மானிக்கப் போவதாக ஆனந்த் சீனிவாசன் தெரிவித்துள்ளார்.
இதனால், இவை தொடர்பான முதலீட்டு முடிவுகள் குறித்து தனிநபர் ஆலோசனைகள் மிகவும் முக்கியமானவை என்றும் அவர் வலியுறுத்துகிறார்.
இதை நீங்கள் முதலீட்டு ஆலோசனையாக எடுத்துக்கொள்ளாமல், நிபுணரிடம் ஆலோசனை பெற்று நடவடிக்கை எடுக்க வேண்டியது அவசியம்.
