ஆகஸ்ட் மாதம் தொடக்கம் முதலே தங்கம் விலை ஏற்ற இறக்கத்தை சந்தித்து வருகிறது. சில நாட்களுக்கு முன்னர் குறைந்திருந்த விலை, தற்போது மீண்டும் அதிகரித்துள்ளது. இதனால் நகை பிரியர்கள் ஆச்சரியத்தில் உள்ளனர்.
கடைசியாக ஆகஸ்ட் 6ஆம் தேதி தங்கம் விலை சவரனுக்கு ரூ.75,000-ஐத் தாண்டியது. தொடர்ந்து ஆகஸ்ட் 8ஆம் தேதி ரூ.75,760 என்ற வரலாற்று உச்சத்தை தொட்டது. அதன்பின் தங்கம் விலை 10 நாட்களுக்கு மேல் குறைந்ததால் நகை விரும்பிகள் மகிழ்ந்தனர். ஆனால் கடந்த நான்கு நாட்களாக தங்கம் விலை மீண்டும் உயர்வை எட்டியுள்ளது.
நேற்று ஆகஸ்ட் 28ஆம் தேதி 22 காரட் தங்கம் கிராமுக்கு ரூ.15 உயர்ந்து ரூ.9,405க்கும், சவரனுக்கு ரூ.120 உயர்ந்து ரூ.75,240க்கும் விற்கப்பட்டது. இன்று ஆகஸ்ட் 29ஆம் தேதி 22 காரட் தங்கம் கிராமுக்கு ரூ.65 உயர்ந்து ரூ.9,470க்கும், சவரனுக்கு ரூ.520 உயர்ந்து ரூ.75,760க்கும் விற்கப்படுகிறது.
அதேபோல், 18 காரட் தங்கம் கிராமுக்கு ரூ.55 உயர்ந்து ரூ.7,830க்கும், சவரனுக்கு ரூ.440 உயர்ந்து ரூ.62,640க்கும் விற்கப்படுகிறது. வெள்ளி விலையும் சிறிய அளவில் உயர்வு கண்டுள்ளது. தற்போது கிராமுக்கு ரூ.1 உயர்ந்து ரூ.131க்கும், ஒரு கிலோ ரூ.1,31,000க்கும் விற்கப்படுகிறது.
