சென்னை: தங்கம் விலை இன்று (ஜூலை 30) மேலும் சரிந்தது. சென்னையில் இன்று 22 கேரட் தங்கத்தின் விலை கிராமுக்கு ரூ.30 குறைந்து ரூ.6,385 ஆக உள்ளது. ஒரு பவுன் ரூ.240 குறைந்து ரூ.51,080க்கு விற்பனையாகிறது. வெள்ளி கிராமுக்கு 50 காசுகள் குறைந்து ரூ.89 ஆக இருந்தது.
விலை வீழ்ச்சியின் பின்னணி என்ன? கடந்த ஆண்டு கடும் சரிவை சந்தித்த தங்கம் விலை, கடந்த மே 20ம் தேதி புதிய உச்சமாக ரூ.55,200ஐ தொட்டது.இதை தொடர்ந்து விலையில் ஏற்ற இறக்கம் இருந்தாலும், மத்திய பட்ஜெட்டில் அறிவிக்கப்பட்ட இறக்குமதி வரி குறைப்பால் விலை குறைய துவங்கியுள்ளது.
கடந்த ஜூலை 23ம் தேதி முதல் 26ம் தேதி வரையிலான பட்ஜெட் அறிவிப்புக்கு பிறகு தொடர்ந்து 4 நாட்களாக தங்கம் விலை சரிந்த நிலையில், கடந்த சனிக்கிழமை (ஜூலை 27) சற்று உயர்ந்தது.
அன்றைய தினம், 22 காரட் தங்கம் கிராமுக்கு ரூ.50 உயர்ந்து கிராமுக்கு ரூ.6,465 ஆகவும், பவுனுக்கு ரூ.400 உயர்ந்து பவுனுக்கு ரூ.51,720 ஆகவும் இருந்தது. இன்று ஒரு கிராம் தங்கத்தின் விலை ரூ.30 குறைந்து, ஒரு கிராம் ரூ.6,385-க்கு விற்பனை செய்யப்படுகிறது.
ஒரு பவுன் ரூ.240 குறைந்து ரூ.51,080க்கு விற்பனையாகிறது. நேற்றும், இன்றும் தங்கம் விலை குறைந்துள்ளதால், தொடர்ந்து, பவுன் ரூ.51 ஆயிரத்திற்கும் கீழே குறையும் என்ற எதிர்பார்ப்பு எழுந்துள்ளது.
