சென்னை: சென்னையில் இன்று (திங்கட்கிழமை) 22 காரட் ஆபரணத் தங்கம் ஒரு கிராம் ரூ.6,980-க்கு விற்பனை செய்யப்படுகிறது. ஒரு பவுன் ரூ.160 உயர்ந்து ரூ.55,840-க்கு விற்பனையானது.
கடந்த சில நாட்களாக தங்கம் விலை உயர்ந்து வருகிறது. சர்வதேச பொருளாதார சூழல் மற்றும் அமெரிக்க டாலருக்கு நிகரான இந்திய ரூபாயின் மதிப்பு ஆகியவற்றின் அடிப்படையில் தங்கத்தின் விலை நிர்ணயிக்கப்படுகிறது.
இந்நிலையில், சென்னையில் இன்று 22 காரட் ஆபரணத் தங்கத்தின் விலை பவுனுக்கு ரூ.160 உயர்ந்து ரூ.55,840-க்கு விற்பனையானது. கிராமுக்கு ரூ.20 அதிகரித்து, ஒரு கிராம் ரூ.6,980-க்கு விற்பனை செய்யப்படுகிறது.
ஒரு கிராம் வெள்ளி ரூ.98க்கு விற்பனையாகிறது. முன்னதாக, கடந்த சனிக்கிழமை தங்கம் விலை புதிய உச்சத்தைத் தொட்டது. அன்றைய தினம், 22 காரட் தங்கம் பவுனுக்கு ரூ.600 உயர்ந்து, பவுனுக்கு ரூ.55,680-க்கு விற்பனையானது.
இந்த சூழலில், விலை அதிகரித்துள்ளது. தங்கத்தின் மீதான இறக்குமதி வரியை மத்திய அரசு குறைத்தாலும் தங்கத்தின் விலை அதிகரித்து வருவது குறிப்பிடத்தக்கது.
