வாரத்தின் நான்காவது வர்த்தக நாளான நேற்று, இந்திய பங்குச் சந்தை குறியீடுகள் சரிவுடன் முடிவடைந்தன. சந்தை குறியீடுகள் தொடர்ந்து மூன்றாவது நாளாக சரிவை சந்தித்தன. உலக சந்தையின் போக்குகளுக்கு மாறாக, இந்திய பங்குச்சந்தை குறியீடுகள் ஏற்றத்துடன் தொடங்கியது. ஆனால் பல நிறுவனங்களின் இரண்டாம் காலாண்டு முடிவுகள் ஏமாற்றமளிப்பதால் முதலீட்டாளர்கள் ஏமாற்றமடைந்தனர்.
நிஃப்டி குறியீட்டைப் பொறுத்தவரை, வங்கிப் பங்குகள் அதிக லாபம் ஈட்டின. நுகர்வோர் பொருட்கள் குறியீடு 2.83 சதவீதம் சரிந்து மூன்று மாதங்களில் இல்லாத அளவுக்கு சரிந்தது. ‘வெளிநாட்டு நிறுவன முதலீட்டாளர்கள் தொடர்ந்து வெளியேறுவதைத் தவிர, வருவாயுடன் ஒப்பிடும்போது இந்திய சந்தையில் வளர்ச்சி குறைவாகவே உள்ளது; ஒவ்வொரு முறையும் சந்தை ஏற்றம் அடையும் போதும், பங்குகளை விற்கும் போக்கு தொடர்கிறது என பங்குச்சந்தை நிபுணர்கள் தெரிவித்தனர்.
வெளிநாட்டு முதலீட்டாளர்கள் நேற்று ரூ.5,062 கோடி மதிப்புள்ள பங்குகளை விற்றுள்ளனர். உலகளாவிய கச்சா எண்ணெய் விலை நேற்று ஒரு பேரலுக்கு 1.99 சதவீதம் அதிகரித்து 76.45 அமெரிக்க டாலராக இருந்தது. அமெரிக்க டாலருக்கு நிகரான இந்திய ரூபாயின் மதிப்பு மாறாமல் ரூ.84.07 ஆக உள்ளது.
அல்ட்ராடெக் சிமெண்ட், ஸ்ரீராம் ஃபைனான்ஸ், மஹிந்திரா & மஹிந்திரா, டைட்டன் மற்றும் கிராசிம் ஆகியவை அதிக லாபம் ஈட்டியுள்ளன. ஹிந்துஸ்தான் யூனிலீவர், எஸ்பிஐ, லைஃப், ஹிண்டெல்கோ, நெஸ்லே இந்தியா மற்றும் பஜாஜ் ஆட்டோ ஆகியவை அதிக நஷ்டமடைந்தவை.
