சென்னை: சென்னையில் இன்று தங்கம் விலை திடீரென பவுனுக்கு ரூ.1,080 குறைந்துள்ளது. வெள்ளி விலையும் கிராமுக்கு ரூ.2 குறைந்துள்ளது. சென்னையில் இன்று காலை நிலவரப்படி, 22 காரட் நகைகள் கிராமுக்கு ரூ.135 குறைந்து கிராமுக்கு ரூ.7,085 ஆகவும், பவுனுக்கு ரூ.1,080 குறைந்து பவுன் ரூ.56,680 ஆகவும் உள்ளது.
வெள்ளி விலையும் கிராமுக்கு ரூ.2 குறைந்து கிராமுக்கு ரூ.100 ஆக இருந்தது. சர்வதேச பொருளாதார சூழல் மற்றும் அமெரிக்க டாலருக்கு நிகரான இந்திய ரூபாயின் மதிப்பு ஆகியவற்றின் அடிப்படையில் தங்கத்தின் விலை நிர்ணயிக்கப்படுகிறது. இதையடுத்து, கடந்த மார்ச் 28-ம் தேதி ஒரு பவுன் இதுவரை இல்லாத அளவு ரூ.50 ஆயிரத்தை எட்டியது.
இதையடுத்து, ஜூலை 23-ம் தேதி தாக்கல் செய்யப்பட்ட மத்திய பட்ஜெட்டில், தங்கம் மீதான இறக்குமதி வரி, 6 சதவீதமாக குறைக்கப்பட்டது.இதனால், அன்றைய தினம், பவுனுக்கு, 2,080 ரூபாய் குறைந்துள்ளது. அதன் பிறகு தங்கத்தின் விலை தொடர்ந்து உயர்ந்து வந்தது. குறிப்பாக தீபாவளியன்று இதுவரை இல்லாத அளவு ரூ.59,640ஐ எட்டியது. அதன்பிறகு ஏற்ற இறக்கத்துடன் காணப்பட்ட தங்கத்தின் விலை, நவ.,7-ல் கடும் சரிவை சந்தித்தது.
அதன்படி, ஒரு பவுன் தங்கம், பவுனுக்கு ரூ.1,320 குறைந்து, ரூ.57,600-க்கு விற்பனை செய்யப்பட்டது. அதன்பிறகு குறையத் தொடங்கிய தங்கம் விலை இன்று பவுன் ரூ.1,080 குறைந்து ஒரு பவுன் ரூ.56,680-க்கு விற்பனையாகிறது. கடந்த 12 நாட்களில் தங்கம் விலை பவுனுக்கு ரூ.2,960 குறைந்துள்ளது குறிப்பிடத்தக்கது.
