இந்திய உணவுப் பாதுகாப்பு மற்றும் தர நிர்ணய ஆணையம் FSSAI, ஆன்லைன் ஷாப்பிங் நிறுவனங்களை குறைந்தபட்சம் 45 நாட்கள் காலாவதி தேதியுடன் கூடிய உணவுப் பொருட்களை மட்டுமே டெலிவரி செய்ய வேண்டும் என்று வலியுறுத்தியுள்ளது. இதனால், அழிந்துபோகும் மற்றும் காலாவதியான உணவுப் பொருட்களை விற்பனை செய்வதாக ஆன்லைன் ஷாப்பிங் நிறுவனங்கள் மீது புகார் எழுந்துள்ளது.
இந்த விவகாரத்தில், மத்திய நுகர்வோர் பாதுகாப்பு ஆணையம் அதிகாரப்பூர்வ அறிவிப்பை வெளியிட்டு உரிய நடவடிக்கை எடுத்து வருகிறது.
FSSAI இன் தலைமைச் செயல் அதிகாரி கமலா வர்தன ராவ் தலைமையில் கடந்த வாரம் ஒரு முக்கியமான கூட்டம் நடைபெற்றது. 200க்கும் மேற்பட்ட ஆன்லைன் டெலிவரி நிறுவனங்கள் மற்றும் தொழில்முறை சங்கங்கள் பங்கேற்றன.
கூட்டத்தில், குறைந்தபட்சம் 45 நாட்கள் காலாவதியாகும் உணவுப் பொருட்கள் மட்டுமே விற்பனை செய்யப்படுவதை உறுதி செய்ய வேண்டும் என வலியுறுத்தப்பட்டது. அதேபோல், விநியோக ஊழியர்களுக்கு உணவு பாதுகாப்பு மற்றும் சுகாதார நெறிமுறைகள் குறித்து பயிற்சி அளிக்கப்பட்டு, வழக்கமான சுகாதார சோதனைகளை மேற்கொள்ள அறிவுறுத்தப்பட்டுள்ளது.
உணவுப் பொருட்களை சத்தானவை என வகைப்படுத்தும் போது FSSAI வழிகாட்டுதல்களைப் பின்பற்ற வேண்டும் என்றும் கூட்டத்தில் தெரிவிக்கப்பட்டது.
