புதுடெல்லி: நாடு முழுவதும் 19 கிலோ எடை கொண்ட வர்த்தக எல்பிஜி சிலிண்டரின் விலை ரூ.7 குறைக்கப்பட்டுள்ளது. இன்று மத்திய பட்ஜெட் தாக்கல் செய்யப்படுவதால் இந்த விலை குறைப்பு அமலுக்கு வந்துள்ளது. சர்வதேச கச்சா எண்ணெய் விலை நிலவரத்திற்கு ஏற்ப இந்தியாவில் உள்நாட்டு மற்றும் வணிக ரீதியான எல்பிஜி சிலிண்டர்களின் விலையை எண்ணெய் நிறுவனங்கள் நிர்ணயம் செய்து வருகின்றன.
இந்நிலையில், பிப்ரவரி 1-ம் தேதியான இன்று 19 கிலோ எடை கொண்ட வணிக ரக எல்பிஜி சிலிண்டரின் விலை ரூ.7 குறைக்கப்பட்டுள்ளது. புதிய விலையின்படி, வணிகரீதியான எல்பிஜி சிலிண்டர் புதுடெல்லியில் ரூ.1,797-க்கும், கொல்கத்தாவில் ரூ.1,907-க்கும், மும்பையில் ரூ.1,749-க்கும் விற்பனை செய்யப்படுகிறது.
சென்னையில் ரூ.6.50 குறைந்து ரூ.1959.50-க்கு விற்பனை செய்யப்படுகிறது. இருப்பினும், வீட்டு உபயோகத்துக்கான 14.2 கிலோ எடை கொண்ட சிலிண்டரின் விலை மாற்றமின்றி ரூ. 818.50. 14 கிலோ எடை கொண்ட உள்நாட்டு எல்பிஜி சிலிண்டர் விலை டெல்லியில் ரூ. 803, ரூ. 818.50, சென்னையில் ரூ. 802.50 மற்றும் மும்பையில் கொல்கத்தாவில் ரூ. 829 என்றளவில் விற்பனையாகிறது.
