சென்னை: தீபாவளி, திருமணம் போன்ற விசேஷங்களுக்கு நகை வாங்க காத்திருப்பவர்களுக்கு இந்த அதிரடி விலை உயர்வு அதிர்ச்சியை ஏற்படுத்தி உள்ளது. கடந்த மாத இறுதியில் இருந்து தங்கம் விலை ஏற்ற இறக்கம் கண்ட நிலையில், கடந்த 16-ம் தேதி சவரன் ஒன்று ரூ.57 ஆயிரத்தை தாண்டி புதிய உச்சத்தை தொட்டது.
அதன் பிறகும் தங்கத்தின் விலை தொடர்ந்து உயர்ந்து வருகிறது. இந்நிலையில், கடந்த 19-ம் தேதி ஒரு சவரன் ரூ. 58 ஆயிரம். கடந்த 23-ம் தேதி தங்கம் விலை ரூ.58,720-க்கு விற்பனையானது. இதன் மூலம் தங்கம் விலை மீண்டும் புதிய உச்சத்தை எட்டியுள்ளது. கடந்த 24-ம் தேதி தங்கம் விலை கடுமையாக சரிந்து சற்று நிம்மதியை அளித்தது.
அதாவது கிராமுக்கு ரூ.55 குறைந்து ரூ.7285 ஆகவும், கிராமுக்கு ரூ.440 குறைந்து ரூ.58280 ஆகவும் உள்ளது. இந்த விலை குறைப்பு ஒரு நாள் கூட நீடிக்கவில்லை. நேற்று முன்தினம் தங்கம் விலை மீண்டும் உயர்ந்தது. அதாவது ஒரு சவரன் ரூ.80 உயர்ந்து ஒரு சவரன் ரூ.58,360-க்கு விற்கப்பட்டது. நேற்றும் தங்கம் விலை கடுமையாக உயர்ந்து வந்தது. நேற்று மட்டும் கிராமுக்கு ரூ.65 அதிகரித்து ரூ.7,360 ஆகவும், சவரன் ரூ.520 உயர்ந்து புதிய வரலாறு காணாத வகையில் ரூ.58,880ஐ தொட்டுள்ளது.
இப்படி விலை உயர்ந்தால், வரும் திங்கட்கிழமைக்குள் தங்கத்தின் விலை ரூ.59 ஆயிரத்தை தாண்டும் என்ற அச்சம் நகை வாங்குபவர்களிடையே ஏற்பட்டது. வரும் 31ம் தேதி தீபாவளி பண்டிகை வருகிறது. இந்த நேரத்தில் அலுவலகங்களில் வழங்கப்படும் போனஸ் பணத்தைப் பயன்படுத்தி நகை வாங்குவதை பலர் வழக்கமாகக் கொண்டுள்ளனர்.
ஆனால் ஜெட் வேகத்தில் தங்கத்தின் விலை உயர்வால் அவர்களுக்கு அதிக நஷ்டம் ஏற்பட்டுள்ளது. மேலும் திருமணம் போன்ற மங்களகரமான நாட்கள் வருவதால், தங்கம் விலை ஏற்றம் அவர்களுக்கு அதிக நஷ்டத்தை ஏற்படுத்தியுள்ளது. நடுத்தர வர்க்கத்தினருக்கு தங்கம் எளிதான முதலீடு. ஆனால், தங்கத்தின் ராக்கெட் விலையால் நடுத்தர மக்களுக்கு எட்டாக்கனியாக மாறி வருகிறது என்றே சொல்ல வேண்டும்.
அந்த அளவுக்கு கடந்த மாதம், இந்த மாதம் என 2 மாதங்களில் தங்கம் விலை அதிகரித்து நாளுக்கு நாள் புதிய உச்சத்தை எட்டியுள்ளது. பங்குச் சந்தைகளில் நிலவும் வீழ்ச்சியால் தங்கம் மற்றும் வெள்ளி விலை மேலும் உயரும் என்று தொழில் வல்லுநர்கள் தெரிவித்துள்ளனர்.
இன்று ஞாயிற்றுக்கிழமை என்பதால் தங்க சந்தைக்கு விடுமுறை. எனவே, இன்றைய தங்கம் நேற்றைய விலைக்கே விற்கப்படும். தங்கம் விலையில் என்ன மாற்றம் ஏற்படப் போகிறது என்பது நாளை சந்தை துவங்கிய பிறகே தெரியவரும்.
