சமீப காலமாக, வெள்ளி விலை வேகமாக உயர்ந்து வருகிறது. செப்டம்பர் 25, 2025 அன்று, ஒரு கிராம் வெள்ளி 150 ரூபாய்க்கும், ஒரு கிலோ வெள்ளி 1,50,000 ரூபாய்க்கும் விற்பனை செய்யப்பட்டது. இதனால் நகை விருப்பமுள்ளவர்கள் அதிர்ச்சியடைந்துள்ளனர்.
வெள்ளி விலை உயர்வுக்கு பல காரணங்கள் உள்ளன. உலகளாவிய அரசியல் பதட்டங்கள், அமெரிக்க டாலரின் பலவீனம், பெடரல் ரிசர்வ் விகிதங்கள் குறைப்பு ஆகியவை முக்கிய காரணிகளாக கருதப்படுகின்றன. இதோடு, வெள்ளி விநியோக பற்றாக்குறையும் விலை அதிகரிக்க உதவுகிறது.
வெள்ளி பாதுகாப்பான புகலிட சொத்தாக கருதப்படுகிறது, அதனால் முதலீட்டாளர்கள் தங்கத்துடன் சேர்த்து வெள்ளியிலும் முதலீடு செய்கின்றனர். அமெரிக்க அரசாங்கம் வெள்ளியை முக்கிய கனிமமாக அறிவித்து அதன் இருப்புக்களை அதிகரிக்க வாய்ப்புள்ளது. இதனால், மற்ற நாடுகளும் தங்கள் வெள்ளி இருப்புகளை அதிகரிக்கும் வாய்ப்பு உள்ளது. இதன் காரணமாக, வெள்ளி விலை மேலே செல்லும் என எதிர்பார்க்கப்படுகிறது.
மேலும், சோலார் பேனல்கள், மின்சார வாகனங்கள், 5G கோபுரங்கள் மற்றும் மின்னணுவியல் உற்பத்திகளுக்கு வெள்ளி அவசியம். இந்தியா மிகப்பெரிய வாங்குபவராக மாறி வருகிறது. டாலருக்கு எதிரான ரூபாயின் மதிப்பு குறைவதும், வெள்ளி விலை உயர்வுக்கு காரணமாக உள்ளது.
