சென்னை: கடந்த சில மாதங்களாக சர்வதேச சந்தை நிலவரத்திற்கு ஏற்ப தங்கம் விலை உயர்ந்து வருகிறது. தங்கத்தின் விலை அவ்வப்போது சிறிதளவு குறைந்தாலும், அடுத்தடுத்த நாட்களில் மீண்டும் உயர்ந்து, கணிக்க முடியாத அளவில் புதிய உச்சத்தை எட்டியுள்ளது. இந்நிலையில் இந்த ஆண்டு ஜனவரி மாதம் தொடக்கம் தங்கம் விலை ராக்கெட் வேகத்தில் தினமும் புதிய உச்சத்தை எட்டி வந்தாலும் கடந்த ஒரு வாரமாக ஏற்ற இறக்கத்துடன் காணப்பட்டது.
இந்த வகையில் நேற்று முன்தினம் சென்னையில் தங்க ஆபரணத்தின் விலை ரூ. 200 உயர்ந்து, ஒரு சவரன் ரூ. 70,160-க்கு விற்பனை செய்யப்படுகிறது. தங்க ஆபரணத்தின் விலை கிராமுக்கு ரூ.25 அதிகரித்து ரூ. 8,770-க்கு விற்பனை செய்யப்பட்டு வருகிறது. சென்னையில் வெள்ளியின் விலை ரூ.2 அதிகரித்து ரூ. 110-க்கு விற்பனை செய்யப்பட்டு வருகிறது.
இந்நிலையில் இன்று சென்னையில் தங்க ஆபரணத்தின் விலை ரூ.15 குறைந்துள்ளது. ஒரு கிராம் ரூ.8,755-க்கு விற்பனை செய்யப்படுகிறது. தங்க ஆபரணங்களின் விலை ரூ.120 குறைந்து ஒரு சவரன் ரூ. 70,040-க்கு விற்பனை செய்யப்பட்டு வருகிறது. சென்னையில் வெள்ளியின் விலை கிராமுக்கு ரூ.2 குறைந்து ரூ. 108-க்கு விற்பனை செய்யப்படுகிறது.
