சென்னை: தங்கம் விலை இன்று புதிய உச்சத்தை தொட்டுள்ளது. அதன்படி, சென்னையில் 22 காரட் ஆபரணத் தங்கத்தின் விலை இன்று பவுனுக்கு ரூ.640 உயர்ந்து, ஒரு பவுன் ரூ.64,480-க்கு விற்பனை செய்யப்படுகிறது. சர்வதேச பொருளாதார சூழல் மற்றும் அமெரிக்க டாலருக்கு நிகரான இந்திய ரூபாயின் மதிப்பு ஆகியவற்றின் அடிப்படையில் தங்கத்தின் விலை நிர்ணயிக்கப்படுகிறது. இந்த வகையில் கடந்த டிசம்பர் 8-ம் தேதிக்கு பிறகு தங்கம் விலை உயர்ந்து வருகிறது. ஜனவரி 3-ம் தேதி ரூ.58,080 ஆகவும், ஜனவரி 16-ல் ரூ.59,120 ஆகவும் இருந்தது.
ஜனவரி 22-ம் தேதி தங்கத்தின் விலை ரூ.60 ஆயிரத்தை தாண்டி புதிய உச்சத்தை தொட்டது. இதையடுத்து தங்கத்தின் விலை சற்று குறைந்துள்ளது. இந்நிலையில் கடந்த 29-ம் தேதி மீண்டும் தங்கம் விலை உயர்ந்தது. ஜன., 31-ல், தங்கம் விலை ரூ. 61 ஆயிரமாகவும், பிப்., 1-ல் ரூ. 62 ஆயிரமாகவும் உள்ளது. தங்கம் விலை நாளுக்கு நாள் உயர்ந்து புதிய உச்சத்தை தொட்டு வருகிறது. இதைத் தொடர்ந்து இன்றும் தங்கம் விலை உயர்ந்து புதிய உச்சத்தை தொட்டுள்ளது. இந்த விலை உயர்வு நகை வியாபாரிகளை அதிர்ச்சியில் ஆழ்த்தியுள்ளது.
சென்னையில் 22 காரட் ஆபரணத் தங்கத்தின் விலை ஒரு கிராம் 80 ஆகவும், ஒரு கிராம் ரூ. 8,060. பவுன் ஒன்றின் விலை 640 அதிகரித்து ஒரு பவுன் ரூ. 64,480-க்கு விற்பனை செய்யப்படுகிறது. வெள்ளி விலையில் இன்று எந்த மாற்றமும் இல்லை. ஒரு கிராம் வெள்ளி 107-க்கும், ஒரு கிலோ வெள்ளி ரூ. 1 லட்சத்து 7 ஆயிரத்துக்கும் விற்பனை செய்யப்படுகிறது . உலகப் பொருளாதார நெருக்கடி, குறிப்பாக அமெரிக்க அதிபர் டிரம்ப் விதித்துள்ள சிக்கன நடவடிக்கைகளால் தங்கத்தில் முதலீடு அதிகரித்துள்ளதால், எதிர்காலத்தில் தங்கத்தின் விலை குறைய வாய்ப்பில்லை என நகை வியாபாரிகள் தெரிவிக்கின்றனர். இது சாமானியர்கள் மத்தியில் பெரும் கவலையை ஏற்படுத்தியுள்ளது. அதே சமயம், நகைகளின் விலை தொடர்ந்து அதிகரித்து வருவதால், தங்க முலாம் பூசப்பட்ட வெள்ளி நகைகளின் தேவை அதிகரித்துள்ளது.
