உத்தரப்பிரதேச முதல்வர் யோகி ஆதித்யநாத், மாணவர்களுக்கு தமிழ் மொழி கற்றுக் கொடுக்கப்படுவதாக சமீபத்தில் தெரிவித்துள்ளார். இதன் பின்னணியில், மத்திய கல்வித்துறை தமிழகத்திற்கு கல்வி நிதி வழங்கும் பொருட்டு மும்மொழிக்கொள்கையை ஏற்றுக்கொள்ள வேண்டும் என்று வாதிடும் நிலையில், தமிழ்நாடு அரசு இருமொழிக்கொள்கையில் உறுதியுடன் உள்ளது.
இந்தி திணிப்பை ஏற்றுக்கொள்ள முடியாது எனவும், இந்தி பேசும் மாநிலங்கள் தென்னிந்திய மொழிகளை ஏற்றுக்கொள்ளாத பட்சத்தில், தென்னிந்திய மாநிலங்களில் இந்தி திணிக்கப்படுவது ஏன் என்று பல தமிழ்நாடு அரசியல் கட்சிகள், முக்கியமாக திமுக, கேள்வி எழுப்பி வருகின்றன.
இதற்கிடையில், உத்தரப்பிரதேச முதல்வர் யோகி ஆதித்யநாத் தனது கருத்துக்களை பதிவு செய்துள்ளார். அவர் கூறியதாவது, “உத்தரப்பிரதேசத்தில் நாம் தமிழ், தெலுங்கு, மலையாளம், கன்னடம், பெங்காலி மற்றும் மராத்தி போன்ற மொழிகளை கற்பிக்கின்றோம். இதன் மூலம், உத்தரப்பிரதேசம் சிறுமையான மாநிலமாகிவிட்டதா? இந்தி படிக்காமல் அரசியல் செய்வது இளைஞர்களுக்கு வேலைவாய்ப்புகளை பாதிக்கும்” என்று அவர் தெரிவித்துள்ளார்.
இதேவேளை, இந்த விடயத்தில் காங்கிரஸ் எம்பி கார்த்திக் சிதம்பரம், இவ்வாறு பல மொழிகளில் கல்வி வழங்கப்படுவது குறித்து கேள்வி எழுப்பியுள்ளார்.
