2025ம் ஆண்டு ஜனவரியில் அமெரிக்க அதிபராக பதவியேற்ற டொனால்டு டிரம்ப், விசா நிபந்தனைகளை கடுமையாக்க தொடங்கியுள்ளார். புதிய திட்டத்தின் கீழ், சுற்றுலா மற்றும் வர்த்தகக் காரணங்களுக்காக அமெரிக்க விசாவிற்காக விண்ணப்பிக்க விரும்புவோர், பிணைத் தொகையாக 13 லட்சம் ரூபாய் செலுத்த வேண்டும் என அமெரிக்க அரசு திட்டமிட்டுள்ளது.
இந்த திட்டம் விரைவில் நடைமுறைக்கு வரும் எனத் தகவல்கள் வெளியாகியுள்ளன. இந்த பிணைத் தொகை, நாடு விட்டு செல்லாதவர்களை கட்டுப்படுத்தும் முயற்சியாக கூறப்படுகிறது. மேலும், இத்தகைய கட்டுப்பாடுகள், சுற்றுலா வருவாயை குறைக்கும் என்றும் எதிர்பார்க்கப்படுகிறது. இதனால் சுற்றுலா துறை பாதிக்கப்படும் என சிலர் கருத்து தெரிவித்துள்ளனர்.
இந்த மாற்றத்திற்கு பலரும் எதிர்ப்புத் தெரிவித்துள்ளனர். சிலர் 13 லட்சம் ஒரு பெரிய தொகை என்றும், சிலர் அமெரிக்காவே இப்போது சுற்றுலா வருவாயை இழக்கும் என்றும் கூறுகிறார்கள். சமூக வலைதளங்களில் இது குறித்த விவாதம் விறுவிறுப்பாக நடக்கிறது. சிலர் இந்தியா போன்ற நாடுகளும் அமெரிக்கர்களிடம் பிணைத் தொகை கோர வேண்டும் என்றும் வலியுறுத்துகிறார்கள்.
அமெரிக்காவின் இந்த புதிய கொள்கை, உள்நாட்டுப் பாதுகாப்பை உயர்த்தும் வகையிலும், வெளிநாட்டவர்களால் ஏற்படும் சட்டவிரோதக் குடியேற்றத்தைத் தடுக்கவும் உருவாக்கப்பட்டது என அதிகாரிகள் விளக்குகிறார்கள். இதை மக்கள் ஏற்குமா அல்லது எதிர்த்துத் தடுக்குமா என்பது வருங்காலத்தில் தெரிய வரும். இருப்பினும், அமெரிக்காவின் இந்த முடிவு சர்வதேச பயணச் சூழ்நிலையை மாற்றக்கூடியதாகவே இருக்கும் என பார்வையாளர்கள் கருத்து கூறுகிறார்கள்.
