புதுடெல்லி: ரஷ்யா மற்றும் உக்ரைன் இடையே கடந்த 2 ஆண்டுகளுக்கும் மேலாக போர் நடந்து வருகிறது. இதனால், இருதரப்பிலும் ஏராளமான உயிர் சேதமும், பொருள் சேதமும் ஏற்பட்டது.
தற்போது, உக்ரைன் ராணுவ வீரர்கள் மற்றும் ஆயுதங்களின் எண்ணிக்கை குறைவாக உள்ள நிலையில் ரஷ்யாவுடன் போரில் ஈடுபட்டுள்ளது.
“இது போருக்கான நேரமில்லை, ரஷ்யா, உக்ரைன் சண்டையை நிறுத்திக் கொண்டு பேச்சுவார்த்தை நடத்த வேண்டும் என்று இரு நாட்டு தலைவர்களிடமும் பிரதமர் மோடி பலமுறை வேண்டுகோள் விடுத்துள்ளார்.
ரஷ்யா சென்றபோது, புதினிடம் நேரில் மோடி வலியுறுத்தினார். பிரதமர் மோடி கடந்த 23-ம் தேதி உக்ரைன் சென்றபோது, ரஷ்யா – உக்ரைன் மோதலில் இந்தியா நடுநிலை வகிக்கவில்லை.
“இந்தியா எப்போதும் அமைதியின் பக்கம்தான் இருக்கிறது” என்று திட்டவட்டமாக கூறினார். பகைமையை கைவிட்டு பேச்சுவார்த்தைக்கு திரும்புவதற்கு உதவ இந்தியா தயாராக இருப்பதாக அதிபர் ஜெலென்ஸ்கியிடம் பிரதமர் மோடி உறுதியளித்தார்.
அப்போது, வெளியுறவுத்துறை அமைச்சர் ஜெய்சங்கர், தேசிய பாதுகாப்பு ஆலோசகர் அஜித் தோவல் ஆகியோரும் பிரதமருடன் சென்றனர். ரஷ்யாவின் குர்ஸ்க் பகுதிக்குள் உக்ரைன் படைகள் ஊடுருவியிருப்பதால் பேச்சுவார்த்தைக்கு வாய்ப்பில்லை” என்று ரஷ்ய அதிபர் புதின் ஏற்கனவே கூறியிருந்தார்.
ஆனால், சமீபத்தில் அவர் அளித்த பேட்டியில், “ரஷ்யா, உக்ரைன் இடையே அமைதியை ஏற்படுத்த இந்தியா, சீனா, பிரேசில் ஆகிய நாடுகள் நேர்மையான முயற்சிகளை மேற்கொண்டு வருகின்றன.
அந்த நாடுகள் நடுவர்களாக செயல்படலாம். துருக்கியில் நடந்த அமைதிப் பேச்சுவார்த்தையில் நிறைவேற்றப்படாத ஒப்பந்தங்கள் புடினின் கருத்துக்கள் எதிர்காலத்தில் அமைதி பேச்சுவார்த்தைக்கு தயாராக உள்ளது என்பதைக் காட்டுகிறது.
இதற்கு ரஷ்யா சம்மதித்துள்ளதால், அஜித் தோவல் விரைவில் ரஷ்யா செல்ல உள்ளார். அவர் அமைதிப் பேச்சுவார்த்தையை தொடங்குவார் என்று கூறப்படுகிறது. உக்ரைன் தலைவர்களுடனும் அவர் ஆலோசனை நடத்துவார் என எதிர்பார்க்கப்படுகிறது.
இந்தியாவின் தீவிர முயற்சியால் ரஷ்யா மற்றும் உக்ரைன் இடையே போர் நிறுத்தம் ஏற்பட்டு அமைதி திரும்பினால் உலக அரங்கில் இந்தியாவின் செல்வாக்கு மேலும் உயரும் என சர்வதேச அரசியல் பார்வையாளர்கள் கூறுகின்றனர்.
ஆம்ப்ரோசெட்டி கூட்டமைப்பு கூட்டம் கடந்த 7-ம் தேதி இத்தாலியின் செர்னோபியோ நகரில் நடந்தது. உக்ரைன் அதிபர் ஜெலென்ஸ்கியை சந்தித்த பின், இத்தாலி பிரதமர் ஜியோர்ஜியா மெலோனி கூறுகையில், “ரஷ்யா – உக்ரைன் பிரச்னையை தீர்ப்பதில், இந்தியாவும், சீனாவும் முக்கிய பங்கு வகிக்க முடியும். முக்கிய பங்கு வகிப்பது அவசியம்,” என்றார்.
