தென்கிழக்கு ஆசிய நாடுகளான தாய்லாந்து மற்றும் கம்போடியா இடையே தொடரும் எல்லைப் பிரச்னை, சமீபத்தில் ஏற்பட்ட கடுமையான மோதலால் நெருக்கடிக்குள்ளாகியுள்ளது. இந்த தகராறு, Preah Vihear என்ற எல்லை பகுதியில் உள்ள தா மோன் தாம் சிவன் கோயிலின் உரிமையைச் சுற்றியே மூடுபனி போல் பரவியுள்ளது. சர்வதேச நீதிமன்றம், கம்போடியாவே உரிமையாளர் என தீர்ப்பு வழங்கியிருந்தாலும், தாய்லாந்து அந்த தீர்ப்பை ஏற்க மறுத்து வருகிறது.
கம்போடியா, இக் கோயிலுக்குச் சர்வதேச பாரம்பரிய அந்தஸ்து கிடைக்க யுனெஸ்கோவை அணுகியதும், தாய்லாந்தில் கடும் எதிர்ப்பையும், போராட்டங்களையும் உருவாக்கியது. கடந்த மே மாதம் இருநாடுகளுக்கு இடையே நடைபெற்ற மோதலில் கம்போடியா ராணுவ வீரர் ஒருவர் உயிரிழந்ததையடுத்து, இரு நாடுகளும் தங்கள் அரசியல் மற்றும் இராணுவ உறவுகளை முறித்துக் கொண்டன.
மீண்டும் தற்போது ஏற்பட்ட மோதலின் போது, தாய்லாந்தின் எஃப்-16 போர் விமானம் கம்போடியா ராணுவ இலக்கை தாக்கியதாக செய்திகள் தெரிவிக்கின்றன. இதனிடையே, கம்போடியா பீரங்கி மற்றும் ஏவுகணை தாக்குதலில் 8 வயது சிறுவன் உட்பட 11 பேர் உயிரிழந்ததாக தாய்லாந்து குற்றம்சாட்டியுள்ளது. இரு நாடுகளின் எல்லையோர கிராமங்கள் காலியிடப்பட்டுள்ளன. இதனால் ஏறத்தாழ 40 ஆயிரம் பொதுமக்கள் தங்கள் வாழ்விடங்களை விட்டு வெளியேற்றப்பட்டுள்ளனர்.
உலகமே தற்போது பல்வேறு போர்களால் பதற்றத்துக்குள்ளாகி இருக்கும்போது, கம்போடியா-தாய்லாந்து இடையிலான இந்த பிழைப்பு சிக்கல் மேலும் பன்னாட்டு கவலையை ஏற்படுத்தி உள்ளது. சிவபெருமானின் கோயில் என்பது ஆன்மிக அடையாளமே அல்ல, இப்போது அது இரு நாடுகளின் அசையாத பாரம்பரியத்தின் பிரதிநிதியாகவும், அரசியல் கருவியாகவும் மாறியிருப்பது வருத்தமளிக்கிறது.
