ரஷ்யா: அமெரிக்காவில் கடந்த நவம்பர் 5-ம் தேதி அதிபர் தேர்தல் நடைபெற்றது. அந்த தேர்தலில் டொனால்ட் டிரம்ப் அமோக வெற்றி பெற்றார். இதையடுத்து அதிபர் தேர்தலில் வெற்றி பெற்ற டிரம்ப், தனது அமைச்சரவையில் இடம்பெறும் நபர்களை தேர்வு செய்து வருகிறார். அடுத்த ஆண்டு தொடக்கத்தில் தனது அமைச்சரவையுடன் அவர் அதிபராக பதவியேற்க உள்ளார்.
இந்நிலையில் அமெரிக்க அதிபராக தேர்ந்தெடுக்கப்பட்டுள்ள டிரம்ப் குறித்து ரஷ்ய அதிபர் விளாடிமிர் புடின் கருத்து தெரிவித்துள்ளார். டிரம்ப் அனுபவம் வாய்ந்த, அறிவார்ந்த அரசியல்வாதி என புகழாரம் சூட்டியுள்ள புதின், அதே நேரத்தில் டிரம்ப் மீது ஏற்கனவே கொலை முயற்சிகள் நடந்துள்ளதால் டிரம்ப் பாதுகாப்பாக இல்லை என கூறியது பரபரப்பை ஏற்படுத்தியுள்ளது.
அமெரிக்க தேர்தல் பிரச்சாரத்தின் போது டொனால்ட் டிரம்ப் ஏற்கனவே சுடப்பட்டார். டொனால்ட் டிரம்ப் லேசான காயங்களுடன் உயிர் தப்பினார். அதன் பிறகு இரண்டு முறை உயிர் பிழைத்தார். ஆனால், அவரது உயிருக்கு ஆபத்து இருப்பதாக அவரது கட்சியினர் தொடர்ந்து கூறி வந்தனர்.
இந்நிலையில், டொனால்ட் டிரம்ப் கவனமாக இருக்கவும், அவரது உயிருக்கு ஆபத்து இருப்பதாகவும் ரஷ்ய அதிபர் விளாடிமிர் புடின் எச்சரிக்கை விடுத்துள்ளார். இது சர்வதேச அளவில் பதற்றத்தை ஏற்படுத்தியுள்ளது. அமெரிக்க அதிபராக தேர்ந்தெடுக்கப்பட்ட டொனால்ட் டிரம்ப், உக்ரைன் மற்றும் ரஷ்யா இடையேயான போரை முடிவுக்கு கொண்டு வருவேன் என்று கூறியிருந்தார். இவ்வாறான நிலையில் டொனால்ட் ட்ரம்பின் உயிருக்கு ஆபத்து இருப்பதாக ரஷ்ய ஜனாதிபதி தெரிவித்துள்ளார்.
