காஞ்சிபுரம்: அமெரிக்காவின் வாஷிங்டன் மாநிலத்தில் உள்ள சியாட்டில் நகரில் வேதா என்ற பெயரில் கோவில் ஒன்று கட்டப்பட்டு வருகிறது. இந்த கோவிலுக்கு ஆன்மிக நகரமான காஞ்சிபுரத்தில் உள்ள தேர் பிரசித்தி பெற முடிவு செய்யப்பட்டது.
தங்க முலாம் பூசப்பட்ட தேரை தயார் செய்ய முடிவு செய்யப்பட்டது. அதன்படி காஞ்சிபுரத்தில் ஆன்மிக பொருட்கள் தயாரிக்கும் நிறுவனத்துக்கு வாய்ப்பு வழங்கப்பட்டது.
இதையடுத்து, 23 அடி உயரமும், 4 டன் எடையும் கொண்ட, இரும்பு, செம்பு உலோகங்களைப் பயன்படுத்தி, தங்க முலாம் பூசப்பட்ட தேரை அந்நிறுவனம் தயாரித்துள்ளது. இந்த தேர் 75 நாட்களில் முடிக்கப்பட்டது.
தேரை 35 டிகிரியில் திருப்பும் தொழில்நுட்பம் உள்ளது. மற்ற இடங்களுக்கு சுலபமாக கொண்டு செல்ல இதை 6 பகுதிகளாக பிரிக்கலாம். சிவன், மகா விஷ்ணு போன்ற எந்த தெய்வத்திற்கும் பயன்படும் வகையில் பொம்மைகளை மாற்றியமைக்கலாம்.
இதன் மதிப்பு ரூ.1.25 கோடி. இந்தத் தொகையை சியாட்டிலில் உள்ள வேதா கோயில் நிர்வாகிகள் வழங்கியுள்ளனர்.
தேர் 6 பகுதிகளாக பிரிக்கப்பட்டு நேற்று (ஆகஸ்ட் 31) விமானம் மூலம் அமெரிக்காவுக்கு அனுப்பி வைக்கப்பட்டது.
