நியூயார்க்: பாலஸ்தீன பயங்கரவாத அமைப்பான ஹமாஸுக்கு ஆதரவாக பிரச்சாரம் செய்ததாக குற்றம் சாட்டப்பட்டுள்ள அமெரிக்காவில் உள்ள இந்திய மாணவர் பதர் கான் சூரியுக்கு எதிராக நாடு கடத்தல் உத்தரவு பிறப்பிக்கப்பட்டுள்ளது. பதர் கான் ஜார்ஜ்டவுன் பல்கலைக்கழகத்தில் ஆராய்ச்சி பட்டதாரி மாணவராகப் பணியாற்றி வந்தார். அவர் அல்வலீத் பின் தலால் முஸ்லிம்-கிறிஸ்தவ புரிதலுக்கான மையத்தில் ஒரு மாணவர்.
அமெரிக்க குடிவரவுத் துறை பதர் கான் சூரியை கடந்த 17 ஆம் தேதி வர்ஜீனியாவில் கைது செய்தது. ஹமாஸ் பயங்கரவாத அமைப்புக்கு ஆதரவளித்ததாகவும், சமூக ஊடகங்களில் கருத்துக்களைப் பகிர்ந்து கொண்டதாகவும் அவர் மீது குற்றம் சாட்டப்பட்டது. ஹமாஸுக்கு ஆலோசனை வழங்கும் ஒரு முக்கிய பயங்கரவாதியுடன் அவர் நெருங்கிய தொடர்பில் இருந்ததாகவும் குற்றம் சாட்டப்பட்டுள்ளது.
இதைத் தொடர்ந்து, பதர் கான் சூரியை இந்தியாவுக்கு நாடு கடத்த அமெரிக்க அதிகாரிகள் நடவடிக்கைகளைத் தொடங்கியுள்ளனர். இதற்கு எதிராக நீதிமன்றத்தில் பதர் கான் வழக்கு தொடர்ந்துள்ளார். வழக்கை விசாரித்த நீதிபதி, மறு உத்தரவு வரும் வரை பதர் கானை நாடு கடத்தக் கூடாது என்று உத்தரவிட்டுள்ளார்.
