கலிபோர்னியா: அமெரிக்க அதிபர் டொனால்ட் டிரம்பின் கணக்கை நீக்கிய வழக்கில் கூகிளின் யூடியூப் நிறுவனம் அவருக்கு ரூ.212 கோடி இழப்பீடு வழங்க ஒப்புக்கொண்டுள்ளது. தற்போது அதிபராக இருக்கும் டிரம்ப், அமெரிக்காவில் 2020-ம் ஆண்டு நடந்த அதிபர் தேர்தலில் தோல்வியடைந்தார். ஜோ பைடன் வெற்றி பெற்றார்.
ஆனால் தேர்தலில் மோசடி நடந்ததாகக் கூறி டிரம்ப் தனது தோல்வியை ஏற்க மறுத்துவிட்டார். இதைத் தொடர்ந்து, டிரம்ப் ஆதரவாளர்கள் ஜனவரி 6, 2021 அன்று அமெரிக்க கேபிடல் கட்டிடத்தைத் தாக்கினர். இதன் விளைவாக, டிரம்பின் சமூக ஊடகக் கணக்குகள் முடக்கப்பட்டன. டிரம்பின் யூடியூப் பக்கமும் இடைநிறுத்தப்பட்டது. இதற்கு எதிராக டிரம்ப் நீதிமன்றத்தில் வழக்குத் தொடர்ந்திருந்தார்.
கலிபோர்னியா மாவட்ட நீதிமன்றத்தில் வழக்குத் தொடர்ந்திருந்தார். விசாரணை நடந்து வருகிறது. இந்த நிலையில், வழக்கைத் தீர்க்க யூடியூப்பின் தாய் நிறுவனமான கூகிள், ஜனாதிபதி டிரம்பிற்கு 24.5 மில்லியன் டாலர்களை, அதாவது இந்திய மதிப்பில் சுமார் 212 கோடி ரூபாயை இழப்பீடாக வழங்க ஒப்புக்கொண்டுள்ளது.
இந்த வழக்கின் விசாரணை அக்டோபர் 6-ம் தேதி நடைபெற உள்ளது, மேலும் டிரம்பின் கணக்கு நீக்கப்பட்டதற்கு இழப்பீடு வழங்குவதாக கூகிள் தெரிவித்துள்ளது.
