இஸ்ரேல் மற்றும் ஹமாஸ் இடையே கடந்த ஆண்டு அக்டோபர் மாதம் முதல் போர் நடந்து வருகிறது. இந்த தாக்குதலில் ஆயிரக்கணக்கான இஸ்ரேலியர்கள் மற்றும் 41,000 பாலஸ்தீனியர்கள் கொல்லப்பட்டனர்.
90 ஆயிரத்துக்கும் மேற்பட்டோர் படுகாயமடைந்தனர். ஹமாஸின் கடைசி உறுப்பினர் உயிருடன் இருக்கும் வரை வேட்டை தொடரும் என்று இஸ்ரேல் எச்சரித்துள்ளது. மேலும் கடுமையான தாக்குதலைத் தொடரும். இந்தப் போரை நிறுத்த சர்வதேச நாடுகள் பல்வேறு முயற்சிகளை மேற்கொண்டு வருகின்றன. இருப்பினும் போர் தொடர்கிறது.
இந்நிலையில், இஸ்ரேலுக்கு எதிராக ஹமாஸுக்கு ஆதரவாக அண்டை நாடான லெபனானில் செயல்படும் ஹிஸ்புல்லா அமைப்பு முடுக்கிவிடப்பட்டுள்ளது. இந்த அமைப்பு இஸ்ரேலுக்கு எதிராக குண்டுவீச்சு, ஆளில்லா விமான தாக்குதல் என இஸ்ரேலுக்கு எதிரான போர் நடவடிக்கைகளை மேற்கொண்டு வருகிறது.
இதன் காரணமாக 23வது நாளாக லெபனானில் உள்ள ஹிஸ்புல்லா மீது இஸ்ரேல் தாக்குதல் நடத்தி வருகிறது. இதனால், இரு தரப்பிலும் நூற்றுக்கணக்கானோர் உயிரிழந்துள்ளனர். பெய்ரூட்டில் வான்வழித் தாக்குதலில் ஹிஸ்புல்லா தலைவர் ஹசன் நஸ்ரல்லா கொல்லப்பட்டதாக இஸ்ரேல் ராணுவம் அறிவித்துள்ளது.
நேற்றிரவு (28.09.2024) பெய்ரூட்டில் ஹசன் நஸ்ரல்லா மற்றும் மூத்த தளபதிகளை குறிவைத்து தொடர் தாக்குதல்களை நடத்தியதாக இஸ்ரேல் கூறியுள்ள நிலையில், அவர்களில் பலர் கொல்லப்பட்டனர். இதேவேளை, ஹஸன் நஸ்ரல்லாவின் நிலை தொடர்பில் ஹிஸ்புல்லா அமைப்பு இதுவரையில் எவ்வித தகவலையும் வெளியிடவில்லை என்பது குறிப்பிடத்தக்கது.
