கோபன்ஹேகன்: டென்மார்க் தலைநகரில் நடந்த ஐரோப்பிய தலைவர்கள் கூட்டத்தில் அமெரிக்க அதிபர் டிரம்பின் தவறான உச்சரிப்புகளை ஐரோப்பிய தலைவர்கள் சுட்டிக்காட்டி சிரித்த சம்பவம் உலகின் கவனத்தை ஈர்த்துள்ளது. கடந்த ஆகஸ்ட் மாதம் அர்மீனியா மற்றும் அசர்பைஜான் இடையிலான போர் நிறுத்த ஒப்பந்தத்தில் டிரம்ப் மத்தியஸ்தமாக செயல்பட்டார். ஒப்பந்தத்தில் இருநாடுகளின் தலைவர்களின் கையெழுத்துகளை உறுதி செய்தார்.
அந்த கூட்டத்தில் பிரிட்டன் பிரதமர் கெய்ர் ஸ்டார்மர் செய்தியாளர்களை சந்திக்கும் போது டிரம்ப் அர்மீனியா என்பதற்கு பதிலாக அல்பேனியா, அசர்பைஜான் என்பதற்கு பதிலாக அபர் பைஜான் என்று கூறியதனால் உலக தலைவர்கள் கிண்டலாக சிரித்தனர். இந்த பிழை சமூக ஊடகங்களில் பரபரப்பையும், விமர்சனங்களையும் உருவாக்கியது. அதிபர் டிரம்ப் கடந்த காலங்களிலும் போர் நிறுத்த முயற்சிகளை குறிப்பிடும் போது, இதை சரியாகச் சொல்லாமல் போதுமான கவனம் செலுத்தவில்லை.
அல்பேனிய பிரதமர் எடி ரமா, பிரான்ஸ் அதிபர் இமானுவேல் மேக்ரான் மற்றும் அசர்பைஜான் அதிபர் இல்ஹாம் அலியேவ் கலகலப்பாக பேசினர். “அல்பேனியா-அசர் பைஜான் இடையே மேற்கொள்ளப்பட்ட ஒப்பந்தத்திற்கு வாழ்த்து தெரிவிக்காததற்கு மன்னிப்பு கேட்க வேண்டும்,” என்று எடி ரமா கூறியதற்கு மேக்ரான் “மன்னித்து விடுங்கள்” என்று பதிலளித்தார். இதனால் கூட்டத்தில் அனைவரும் கலகலவென சிரித்தனர்.
இந்நிலையில், ஐரோப்பிய தலைவர்கள் சந்திப்பு டிரம்பின் பிழைகளை சிரிப்புடன் குறிப்பிடினாலும், அவரின் போர் நிறுத்த முயற்சிகளுக்கு சிறப்பு கொடுத்தது. இந்த சம்பவம் அமெரிக்காவின் வெளிநாட்டு நயநெறியையும், தலைவர்களின் சரியான தகவல் வழங்கல் முக்கியத்துவத்தையும் நினைவூட்டுகிறது. உலகம் இதைப் பார்த்து, தலைவர்களின் உரையாடலில் சிறிய பிழைகளும் பெரும் தாக்கத்தை ஏற்படுத்தக்கூடும் என்பதை மீண்டும் உணர்ந்து கொண்டது.
