டாக்கா நகரில் இருந்து வெளியாகியுள்ள அதிர்ச்சி தகவலின்படி, பாகிஸ்தானை தலைமையிடமாகக் கொண்ட பயங்கரவாத அமைப்பான லஷ்கர் இ தொய்பாவின் முக்கிய கமாண்டர் முசாமில் இக்பால் ஹாஷ்மி வெளியிட்ட பேச்சு சர்வதேச அளவில் பெரும் பரபரப்பை ஏற்படுத்தியுள்ளது. பஹல்காம் பகுதியில் 26 சுற்றுலா பயணிகளை படுகொலை செய்த ‘தி ரெசிஸ்டெண்ட் ஃப்ரண்ட்’ அமைப்பின் பின்னணியில் இருப்பவர் தான் ஹாஷ்மி என்பதும் உறுதி செய்யப்பட்டிருக்கிறது.
அவனது அறிக்கையில், “நாங்களே ஷேக் ஹசீனா அரசை கவிழ்த்தோம். மோடியும் அதை நன்கு அறிவார். அவருக்கும் அடுத்ததாக இதே நிலை ஏற்படும்” என எச்சரிக்கையாக கூறியுள்ளார். இது மட்டுமல்லாமல், மே 28ஆம் தேதி பாகிஸ்தான் அணு ஆயுத சோதனை வெற்றியை கொண்டாடிய நிகழ்வில் பங்கேற்ற ஹாஷ்மி, இந்தியாவிற்கு நேரடி மிரட்டலையும் விடுத்துள்ளார். அந்த நிகழ்வின் போது அவரது பேச்சு, இந்தியா பாகிஸ்தான் இடையிலான போர் சூழ்நிலைக்கு இட்டுச் செல்லும் வகையில் இருந்தது.
வங்கதேசத்தில் கடந்த ஆண்டு இடஒதுக்கீட்டுக்கு எதிரான போராட்டங்கள் உச்சத்தை எட்டியபோது, அந்நாட்டின் பிரதமராக இருந்த ஷேக் ஹசீனா தனது பதவியை ராஜினாமா செய்தார். பின்னர், இந்தியாவுக்கு தஞ்சம் புகுந்த அவர், அதன் பின்னர் முகமது யூனுஸ் தலைமையிலான இடைக்கால அரசு பொறுப்பேற்றது. இந்த அரசு இந்தியாவுக்கு எதிராகவும், பாகிஸ்தான், சீனா, துருக்கியுடன் நெருக்கமாகவும் செயல்படுவதாகக் குற்றச்சாட்டுகள் எழுந்தன.
முகமது யூனுஸ் தலைமையிலான புதிய ஆட்சி இந்தியா-வங்கதேச உறவுகளை பாதிக்கத் துவங்கியதோடு, 1971ஆம் ஆண்டு இந்தியா பாகிஸ்தானிடம் இருந்து வங்கதேசத்தை உருவாக்கிய வரலாற்றையும் புறக்கணித்து வருகிறது. இந்த சூழலில்தான் லஷ்கர் இ தொய்பா பயங்கரவாதி, நாங்களே ஹசீனாவின் ஆட்சியை முடித்து வைத்தோம் என பெருமையாக தெரிவித்துள்ளார்.
மேலும், “நீங்கள் மே 7 இரவில் தாக்கினீர்கள், ஆனால் நாங்கள் மே 10 காலை பதிலடி கொடுத்தோம். உங்கள் தாக்குதலுக்கு பதில் தர நாங்கள் தயாராக இருக்கிறோம். நீங்கள் போர்க்களத்தில் வந்தால் நாங்களும் வருவோம்” என்ற வரிகளுடன், இந்திய பிரதமருக்கே நேரடி அச்சுறுத்தல் விடுத்துள்ளார்.
இந்த மிரட்டல்கள், பாகிஸ்தான் ஆதரவால் இயக்கப்படும் பயங்கரவாத குழுக்களின் செயல்பாடுகள், இந்தியாவின் உள்நாட்டு பாதுகாப்பை மட்டும் அல்ல, சர்வதேச நிமிடங்களையும் பாதிக்கும் வகையில் உள்ளன. பாகிஸ்தானின் பயங்கரவாத உளவு அமைப்புகள் தற்போது வங்கதேச அரசியலிலும் தீவிரமாக தலையீடு செய்கின்றன என்பதையும் இந்த வெளியீடு உறுதிப்படுத்துகிறது.
இந்தியா-வங்கதேச உறவில் ஏற்பட்டுள்ள நுணுக்கமான முரண்பாடுகளை தீவிரவாதிகள் தங்கள் திட்டங்களுக்கு பயன்படுத்திக் கொள்வது அபாயகரமான வளர்ச்சியாகும். ஷேக் ஹசீனாவுடன் இந்தியாவின் நெருக்கமான உறவு இழக்கப்பட்டபின் முகமது யூனுஸ் தலைமையிலான ஆட்சி இந்தியா விரோத நிலைப்பாட்டை வெளிப்படையாகக் காட்டி வருகிறது.
இந்நிலையில், இந்திய ராணுவம் மேற்கொண்ட பதிலடி தாக்குதலில் பாகிஸ்தானின் 9 பயங்கரவாத முகாம்கள் அழிக்கப்பட்டன. இந்த தாக்குதலால் பயந்த பாகிஸ்தான் அரசு, பயங்கரவாதிகளின் வாயிலாக மறைமுக மிரட்டல்களை விடுத்து வருகிறது.
முசாமில் இக்பால் ஹாஷ்மி தற்போது அமெரிக்காவால் தேடப்படும் பயங்கரவாதி என்றும், அவர் பேச்சுகள் அமைதியை சீர் கெடுக்க செய்யும் வகையில் இருப்பதால், சர்வதேச அளவில் பதிலடி நடவடிக்கைகள் எடுக்கப்படும் என நம்பப்படுகிறது.
